تويت
مقلوبة بيتنجان باللحمة
_
المكونات :
1 كيلو لحمة ضاني مسلوقة
1 كيلو رز بسمتي مغسل ومنقوع
كيلو ونص بيتنجان مقلي
2 حبة بندورة
1 حبة بصل
1 حبة جزر
4 فصوص ثوم
1 عود كرافس
ربع حبة كراث
البهارات ( م ص هيل ناعم ، م ص قوفة ، م ط بهارات مشكلة ، ملح ، فلفل أسود )
_
الطريقة🍆 :🍽
أول شي بسلق اللحمة بالمطيبات و بقلي البيتنجان
وبغسل الرز وبنقعه مدة نص ساعة
بقطع الخضرة و بصفها بأرض الطنجرة بضيف فوقها طبقة البيتنجان بعدين اللحمة المسلوقة
بصفي الرز المنقوع وبتبله بالبهارات وبضيفه فوق المكونات
بضيف مرق اللحمة بحيث المي تغمر الرز 1 سم
بعدين بتركها على نار عالية حتى تبدأ مي الرز تنشف بنوص تحتها الغاز وبتركها تستوي على نار هادية
بعد ما تستوي بتركها ترتاح 10 دقايق
و أخر شي بضغط على حبات الرز مشان تضلها متماسكة و بقلبها