أبوذيات ~

[ضيف]

السلام عليكم ورحمة الله وبركاته
اللهم صل على محمد وآل محمد

الموضوع من عنوانه ..

بما إنني أعشق اللهجة العراقية كثيراً وأحب أن اتقنها

وكذلك اعشق الأبوذيات باللهجة العراقية الجميلة

لابد هناك الكثير من الاعضاء يجيدون كتابة الأبوذيات

فالموضوع مفتوح لكل من يجيد الكتابة وكذلك من يريد
أن ينقل إلينا بعض الابوذيات التي تعجبه

بهذة الصفحة سيكون أول موضوع لي في المنتدى

وإن شاء الله ينال على جزء من إعجابكم
في إنتظار مشاركاتكم

لجميع من يمر في هذة الصفحة أجمل تحية

أختكم إبنة البحرين / دياجي الغسق

[ابن الاهوار]

اهمومي اهموم فوك الكلب منتل
وسباح الدليل عليك منتل
كوم ارجعنه ياعباس منتل
جبتنه وياك لرض الغاضرية




الدهر شتت شملنه بالظعينة
دليلي سيوف امية بالظعينة
يوسفة الشمر يحدي بالظعينة
وابو فاضل على الغبرة رمية




يخوية ما وصل عني علملاك
سبوني وحزني عم حتى علملاك
لون ميطيح عالشاطي علملاك
مجنت اطلع يبو فاضل سبيه







يوم الفاضت ادمومك وسالت
جم روح انفنت لجلك وسالت
عليك ام الحزن نشدت وسالت
وين الكفل ظعني وسار بية

[ضيف]

بسمه تعالى

شكراً عزيزتي موضوع حلو
وانا من عشاق الابوذيه صراحة
وهذه بعض مما قرأته واعجبني
(ارجوا من الاعضاء ان تكون محصورة الابوذيات في اهل البيت حصرااااااااا)

يوم الغـــــدير النبي .. وقّف لُهُمْ داعِــي
بَلّغْ وبالَغْ بالنـّــــدا .. ما للعِذر داعِــي
والليلة هذي فرصِتِكْ .. كـم طَــالِب وداعِـي
يرجون يدعون بنوايا تصفي النية

وَلْــــهَان يحمِلْنِي الوَلَهْ .. أِنتَ الـذِيْ أَوْلَهْ
مَولاي بُوصَــايْ النّبِي .. أنتَ الذي أَولَـى
صحّحْ لِي لَو قِلتِ الخَطَا .. المَولَى عَلـي أولا؟
ما يصِير تِسْمَعْها سَمِعْ, واتْخَالِف اوصِيّة


بُولايِِتـَكْ يا سَيـّـدِي .. للشّيعَة صِــرْت انْسَبْ
ولَجْلِ الوِلايــة لَكْ فِدا .. أََنْهَــانْ هَـمْ وانْسَبْ
علي اسمك بقَلبِ المُحِبْ .. صَــارِ الاسِم أَنْسَبْ
علي طِبّ القلوب وسِـرْ تَرَاقِيّه

[ضيف]

السلام عليكم ورحمة الله وبركاته

أخواني الكريمان ..

إبن الأهوار .. بنت الحسين

شاكرة لكم هذا المرور العبق ..

مشاركة رائعة ومثلجة للصدور

واشارك معكم مشاركة حزينة ومؤثرة ..

****

خطاب الطفله حميده مع والدها مسلم بن عقيل (ع) ..

زمـانــي عگـب عينك سلمتني
او راحـــات النــوايب سلمتني
رحــت عــدمن يـبويه سلمتني
يــتــيمه ويـا شهم وصيت بيه

أترقب مشاركات من الباقيين

اختكم ابنة البحرين / دياجي الغسق

[عاشقة عبدالله الرضيع]

موضوع جميل أختي وأنا من محبي اللهجة العراقية وكذلك الأبوذيات
وهذا مما سمعت :

أنا المايرتضي لنفسه مهانه
أموت بعزتي وبالذل مهانه
أظل رافض فلا أخضع مهانه
حسيني ودربي درب الرافضية


يضدني الي يضدني وما أسرله
وأظل لدربك الطاهر أسرله
أجيك وأعتني لقبرك أسرله
لو أن أدري بمسير الموت إليه



بلسان حا العباس يخاطب بها الحسين :
أخوك وهالحرب عيدي وكيفي
وأفي وداعتك بيها وكيفي
نذرت بحبك عيوني وكفي
إلك عيناي فدوه وهاي إيديه



من عمة البطل جاسم ترخص
هذي الروح إلك قاله ترخص
من المجتبى عندي ترخص
أذودن عنك وهاي الوصية


تحياتي : عاشقة الحسين

[عاشقة عبدالله الرضيع]

تحياتي : عاشقة الحسين



عفوا . عاشقة عبدالله الرضيع




على لسان حال علي الأكبر :
هذا أنا علي بويه والأكبر
لظل بطوعك وأمرك والأكبر
آمر أدخل الحمومه والأكبر
وأغرق بالدما اليوم الوطيه


تحياتي : عاشقة عبدالله الرضيع

[ابن الاهوار]

ابوقعة بدر حيدر صرع شيباه
اعرفت ثار اللعين ايصير شيباه
بالطف عفرو لحسين شيباه
من دم نحرة واستافت امية








ابو اليمة العطش روحة اجرها
ومصابه دموع كل مؤمن اجرها
الباري لفاطمة عظم اجرها
واجر المرتضى وسيد البرية








وحك حسين واجاده وخلفه
ابد ما ميل عن دربه وخلفه
طلع للملحمة مسرع وخلفه
خبب تتخطه اجدام المنية

[عاشقة عبدالله الرضيع]

عباس البذل روحه وإيدينه
لجل حسين والعتره ودينه
يالرايح إلا زايرد ودينه
نزور حسين والكافل أخيه



مثل عابس ياابو الأكبر وعونه
اجينا أنصار لأرض الطف وعونه
أهلنا بحبكم الطاهر وعونه
وصونا وياكم نظل للمنيه

[بنت الفواطم]

عباس الفضل كله وجوده
وحسين السبط علّة وجوده
سهم الصوب اعيونه وجوده
كسر ضلعين للزهرة الزجية

زينب هلبطولة الطف ظهرهة
مثلهه الارض ماحملت ظهرهة
ياوسفه الشمر ضاربهة بظهرهة
ابسوطة ويشتم ابحامي الحمية
انشاء الله يعجبكم ذوقنا وادللوا (نهريكم هري )
ابوذيات(هاي بالعراقي)
تقبلي تحياتي

[عاشقة المؤمل]

لدي سؤال احبتي الاعضاء كل من ساهم في هذا الموضوع
هل هذه الابوذيات من كتابتكم ام لا؟

وشكرا لكم هي جميلة جدا
وفقكم الله وسدد خطاكم