أبوذيات ~

[عاشقة عبدالله الرضيع]

عباس البذل روحه وإيدينه
لجل حسين والعتره ودينه
يالرايح إلا زايرد ودينه
نزور حسين والكافر أخيه



مثل عابس ياابو الأكبر وعونه
اجينا أنصار لأرض الطف وعونه
أهلنا بحبكم الطاهر وعونه
وصونا وياكم نظل للمنيه

عفوا الكافل أخيه وحاشاه مولاي أبي الفضل من الكفر وهو من أفضل المؤمنين إيمانا وضرب أروع أمثلة الإيمان أعتذر منكم أخوتي ومن مولاي أبي الفضل على هذا الخطأ الكتابي الغير مقصود .


تحياتي : عاشقة عبدالله الرضيع

[ضيف]

لدي سؤال احبتي الاعضاء كل من ساهم في هذا الموضوع
هل هذه الابوذيات من كتابتكم ام لا؟

وشكرا لكم هي جميلة جدا
وفقكم الله وسدد خطاكم

اهلاً بكِ غاليتي

والموضوع مفتوح لكل المشاركات

سواء المنقولة أو المكتوبة بأقلام الأعضاء الكرام

لكِ أرق التحايا

[ضيف]

فرحانه نجـوم الكـون بسمـه
ابجية احسين والأنـوار بسمـه
هـز المهـد جبرائيـل بسمـه
صاح وهنه أبو الزهره الزچيه

[ابن الاهوار]

عيوني النوم لتظن يمر بيها
حياتي اشلون كلبي يمره بيها
هذا الطفل روحه يمره بيها
وين اليحضر ويطفيها ليه




يدفان لجرح كلبي شله وياك
على التربان عبدالله شله وياك
انشده لحرمله وكله شله وياك
الطفل واتصوبه ابسهم المنية




انهدم ركن الصبر وانه لسبني
اصواب الصاب عبدالله لسبني
اجيت امن اليسر لسبني
على التربان لو دفنوه اليه

[بنت الفواطم]

اختي الحبيبة (دياجي الغسق)
هذه مجموعة من الابوذيات نقلتها لك عن لسان جدتي
هلي مالبسوا خادم سملهم
بكلوب العدة نابت سملهم
ارض هالناس وانا اهلي سملهم
كواكب وازهرت ليل الشتية


سرة ضعن الاحباب بيوم مارد
ودمعي صار للمخلوق مارد
خل يلعب الشامت جيف مارد
مرامة واليريدة صار بية

اريد احجي على السادات كلهم
اشراف وناشرين اعلام كلهم
محمد (ص) سيد السادات كلهم
تشفع لمتة بيوم الحساب

ودمت بخير وتقبلي تحياتي

[حسين السلطاني]

تسلم الانامل التي سطرت هذه الكلمات المؤثره بحق ابا الفضل

[بنت الفواطم]

وحك البيه كل قوة وحوله
ماغض النظر عنك وحوله
كيانك للبشر قبله وحوله
تطوف وتحج ليه البرية
عذرا لعدم مشاركتي الفترة الماضية لأنشغالي
اختي الغالية (دياجي الغسق )

[ابن الاهوار]

بسم الله الرحمن الرحيم
اللهم صلي على محمد وال محمد
يمن دمج على الاوالاد منصاب
عليهم ماتم ابكل وكت منصاب
اخبرج كمر هاشم طاح منصاب
وعبد الله على الغبرة رمية