تويت
علي القرءان الناطن
يا علي محرابك بوگت الصلاة
ناشر ألسجاده يتفكر عليك
محضر ألسبحه يتاني للأذان
التربه ملهوفه تشم راحت ايديك
منبرك للموعضه يابو الحسن
فاتح كتاب ألاه وزوده بيك
لان أنت كتاب الله بلايه شك
الايه تتباها لون تدنه ليك
يلي بيك احتارت الباب العقول
وبيك ضلت هايمه حروف الكلام
الدهر اخرس صار لمن بي حچيت
واخذ گلبه الخوف من شاف الحسام
يعني فقارك يحيدر بي حيات
دين طه وسنته ونهجك إمام
ياعلي وسفه الدهر دولابه دار
وي هوى الدنيا وتبع نية قطام
نيه معروفه البغض يتبع غدر
سيف ابن ملجم تسلل بالظلام
فتح باب العلم والمسجد يصيح
بعد حيدر نقره عالدنيا السلام
ويوم صوب راسك وراسك جريح
كبر المحراب تكبيرة أحرام
وعال يحبك ياعلي چلچل الضيم
الوسعه بعيونه ضلام تصورت
الكوفه عجت للصلاة بس يا صلاة
كلهه گبت للسماء وكبرت
لان شافوا دمك يبوس التراب
صاحوا بفد صوت زينب ما درت
ياعلي وليلة مصابك ياعلي
ليلة القدر ألعظيمه تيتمت
----------
هاني حماده البلداوي
10\ رمضان \ 1439
تعليق