إعـــــــلان

تقليص
لا يوجد إعلان حتى الآن.

لبيك يا حسين

تقليص
X
  •  
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • لبيك يا حسين

    رتك بدهري.................. للشده ضخري هادي القصاب
    جا شمعة ...شبابك ليش ....دهري طفاها
    ـــــــــــــــــــــــــــــــــــــــــــ
    لا هذا مو رجواي لا والله يبني
    إنا اعتب إنا عليك وانته تذبني
    يمكن غريبه وياك جنت تحاسبني
    ويلا يا دهري واه مدري شطلبني
    افجعني بمصابك .......احرمني شبابك
    وعني من خذاك وراح ...... روحي خذاهه
    ـــــــــــــــــــــــــــــــــــــــــ
    رتك بدهري.................. للشده ضخري
    جا شمعة ...شبابك ليش ....دهري طفاها
    ــــــــــــــــــــــــــــــــــــــــــ
    وكلبي المرته عليك وذيج الاذيه
    بيدك وديعه صار يبني من أيديه
    خذته ورحت وياك نحو المنية
    يابني بحليبي عليك رد كلبي ليه
    وكلبي الاخذته ......... هالكلب انته
    لمك رد ......كلبه اردود.... وارحم بجاهه
    ــــــــــــــــــــــــــــــــــــــــــ
    رتك بدهري....... للشده ضخري
    جا شمعة شبابك....... ليش دهري طفاها
    ـــــــــــــــــــــــــــــــــــــــــــ
    كالولي أبنج صار موعد زفافه
    ليش اعتنه للموت والعرس عافه
    فرحه بشبابه يريد يا فرح شافه
    من اسمعت ضليت اصفج وسافه
    شنهو جوابي.......وانأ بعذابي
    وجف موتك ..اجه لهروش ...كلبي ولواهه
    ـــــــــــــــــــــــــــــــــــــــــــ
    رتك بدهري....... للشده ضخري
    جا شمعة شبابك....... ليش دهري طفاها

    وبخيمتك مريت خطفه يجاسم
    وكفت شفته أصفوف بيه الهواشم
    هذي كلت الأفراح عرسك يجاسم
    وحنتك جيته وجيت والوجه باسم
    وتاليه يبني.......... بالحومه لني
    اجوفك انضرله هنا ....محنيه بدماها
    ـــــــــــــــــــــــــــــــــــــــــــ
    رتك بدهري....... للشده ضخري
    جا شمعة شبابك....... ليش دهري طفاها
    ـــــــــــــــــــــــــــــــــــــــــــ
    بمدة رضاعك ذاك وبسهر ليلي
    ابسط الم ياذيك من تشتجيلي
    كلبي عليك ايذوب وينهدم حيلي
    وتضل عليك تحوم روحي ودليلي
    ولاتخفه عيني ..........ويهدء ونيني
    حتى شما كو بيك الآم ....... يحصل شفاهه
    ـــــــــــــــــــــــــــــــــــــــــــ
    رتك بدهري....... للشده ضخري
    جا شمعة شبابك....... ليش دهري طفاها
    ـــــــــــــــــــــــــــــــــــــــــــ
    يبني جنت برباك اطلب ابدهري
    ماردت دنيا ومال منك يا ذخري
    رتك ضخر للشيب يوليدي تدري
    وانا صبرت وعليك طولت صبري
    وضلت أربيك........... وعيوني تربيك
    وتالي روحي ....... يبني تخيب...... منك رجاهه
    ـــــــــــــــــــــــــــــــــــــــــــ
    رتك بدهري....... للشده ضخري
    جا شمعة شبابك....... ليش دهري طفاها
    ـــــــــــــــــــــــــــــــــــــــــــ
    وحده بعد عيناي تربي عليه
    جانت يماي العين اتربه ليه
    زفت عرس وافراح اتهنه بيه
    منك جنت بس هاي انا ارتجيه
    مو حكي يبني..... طلباتي ذني
    جا امك ... يجاسم ليش .... تنسه رباهه
    ـــــــــــــــــــــــــــــــــــــــــــ
    رتك بدهري....... للشده ضخري
    جا شمعة شبابك....... ليش دهري طفاها

    الشاعر هادي القصاب
المحتوى السابق تم حفظه تلقائيا. استعادة أو إلغاء.
حفظ-تلقائي
Smile :) Embarrassment :o Big Grin :D Wink ;) Stick Out Tongue :p Mad :mad: Confused :confused: Frown :( Roll Eyes (Sarcastic) :rolleyes: Cool :cool: EEK! :eek:
x
إدراج: مصغرة صغير متوسط كبير الحجم الكامل إزالة  
x
يعمل...
X