فطوركم على جبل ورياحين ونبض

[نبض العراق]

اللهم صلِ على محمد وآل محمد الطيبين الطاهرين
السلام عليكم جميعاً اخوتي واخواتي الكرام
حبينة انا واخواتي جبل الصبر ورياحين العراق ان نضيف اسرتنا اسرة الكفيل على الفطور
و الله يجمعنا مع بعض على سفرة احلى من هذي بجنان الخلد ان شاء الله


يلا تفضلو لان الفطور برد

نبدأ بالمقبلات

/

هذي الزلاطة جزر و خيار مبروشين ومزينيين بالفلفل والزيتون وامخلل خيار ، وعليهم زيت وحامض وملح










وهنا نموذج عن حمص بطحينة



وهنا ايضاً نموذج لكن عن بابا غنوج



هذا اهم شي التمر و اللبن



هنا شربت نومي بصرة وعليه قوالب ثلج لا تعليق اكثر



هنا الاصل السفرة بلا شوربة العدس ما ترهم



هنا الدولمة العراقية







هنا كبة الحامض



هنا البرياني العراقي وعليه دجاج شوي



بعد ما اعلق على الباقي





















هسة بعد الفطور الفواكه حتى تشربون بعده جاي مهيل







يلا انتو من اهل البيت كل واحد ياخذ استكان جاي



ارتاحو شوي وبعدين المحلبي : ابيض حليب وكاكاو و تفاح





صيام مقبول وافطار شهي ان شاء الله

اتمنى ان السفرة عكست لكم صورة السفرة العراقية ونالت رضاكم

عافـــــــــــــــ وألف ــــــــــــــــية

[المستشاره]

يا حبيايب شنو هل الزحمة
مزاحمين روحكم
احنه اهل البيت

عاشت الايادي
الاكل كلش طيب
وطبعا اني اعشق الدولمة بس من ايديكم صاررررت بعد اطيب






حبايبنه الكرام(رياحين العراق وجبل الصبر ونبض العراق)
شكرا على العزيمة وان شاء اللة معزومين انتو واهلنه (عائلة منتدى الكفيل من المشرفين والاعضاء)بيتنه !!!!!!!!!!!!!!!!




حبياب الكفيل موضوع لطيف مثلكم
اختكم المستشارة لن تنساكم بخالص الدعاء في هذا الشهر الفضيل

[نبض العراق]

يا حبيايب شنو هل الزحمة
مزاحمين روحكم
احنه اهل البيت

عاشت الايادي
الاكل كلش طيب
وطبعا اني اعشق الدولمة بس من ايديكم صاررررت بعد اطيب






حبايبنه الكرام(رياحين العراق وجبل الصبر ونبض العراق)
شكرا على العزيمة وان شاء اللة معزومين انتو واهلنه (عائلة منتدى الكفيل من المشرفين والاعضاء)بيتنه !!!!!!!!!!!!!!!!




حبياب الكفيل موضوع لطيف مثلكم
اختكم المستشارة لن تنساكم بخالص الدعاء في هذا الشهر الفضيل

شكراً حبيبتي منورة البيت ان شاء الله عجبكم الاكل
وكان في بالي ان نعمل فطوركم علينا كل يوم على عضو او عضوة بس فكرت ان مراح تعجبكم الفكرة
المهم نجيكم بيتكم ونشوف شنو فطورنا يمكم ونشوف شطارة اختنا المستشارة
نورتي عمري

[المستشاره]

شكراً حبيبتي منورة البيت ان شاء الله عجبكم الاكل

وكان في بالي ان نعمل فطوركم علينا كل يوم على عضو او عضوة بس فكرت ان مراح تعجبكم الفكرة
المهم نجيكم بيتكم ونشوف شنو فطورنا يمكم ونشوف شطارة اختنا المستشارة
نورتي عمري

يا حبايبي والله شرفوني واحطكم بعيوني وانتي واخواتك(جبل ورياحين)
واهلي بالبقية الي بالمنتدى من اخواني واخواتي
والفكرة حلوة كلش ليش متعجبنه بالعكس بس فكرة الصور تعارض عند البقية
والاكل يعجبنه ماطول من ايديكم كلشي من منتدى الكفيل حلووو
وحتى ضليت اشوف الاكل حتى اخذلي كم فكرة عليه حتى اسويه بالبيت

بس بين الحلال والحرام ترى اذا جيتوا ادز على صديقتي عاشقة المؤمل وحبيبة قلبي عاشقة الكفيل يساعدوني لان ما شاء الله عائلتي كبيرة(عائلة الكفيل) الله يحفظة واول طبه علينه فلازم نقوم بالواجب

[نبض العراق]

يا حبايبي والله شرفوني واحطكم بعيوني وانتي واخواتك(جبل ورياحين)
واهلي بالبقية الي بالمنتدى من اخواني واخواتي
والفكرة حلوة كلش ليش متعجبنه بالعكس بس فكرة الصور تعارض عند البقية
والاكل يعجبنه ماطول من ايديكم كلشي من منتدى الكفيل حلووو
وحتى ضليت اشوف الاكل حتى اخذلي كم فكرة عليه حتى اسويه بالبيت

بس بين الحلال والحرام ترى اذا جيتوا ادز على صديقتي عاشقة المؤمل وحبيبة قلبي عاشقة الكفيل يساعدوني لان ما شاء الله عائلتي كبيرة(عائلة الكفيل) الله يحفظة واول طبه علينه فلازم نقوم بالواجب

تسلمين عمري ، ولتكلفون نفسكم كل شي ناكل :d
وننتظر سفرتكم ان شاء الله

[ضيف]

عاشت الايادي
والله مبين طيب كلش
واهم شي الدولمة
شهيتونا واحنه صايمين حرام عليكم
وهسه حتى الشحن مالتنا خلصان
عوافي حبايب
لتنسونا بالدعاء عند الفطور
وشكرا على العزيمة الحلوة
عاشت الايادي
تعبناكم

[نبض العراق]

عاشت الايادي
والله مبين طيب كلش
واهم شي الدولمة
شهيتونا واحنه صايمين حرام عليكم
وهسه حتى الشحن مالتنا خلصان
عوافي حبايب
لتنسونا بالدعاء عند الفطور
وشكرا على العزيمة الحلوة
عاشت الايادي
تعبناكم

ايدج الي عايشة عمري
تعبكم راحة
واكيد مننساكم من الدعاء ربي يخليج
نورتي

[ضيف]

شباب كلمن يجيب اكل وياه من اهله

تره ولا واحده تعرف تطبخ

احب اشاقة ان شاء الله الله يجمعنا في الجنة ونلتقي

[عاشقة الكفيل]

ما شاء الله شنو ها السفرة الحلوة واللمة الاحلى
خواتي الغاليات نبض ورياحين وجبل
الأكل روعة عاشت أيديكم والف عافية يارب
وأني واختي عاشقة المؤمل نروح نساعد أختي الحبيبة المستشارة ببيتهم وكلكم معزومين يمنة....

[نبض العراق]

شباب كلمن يجيب اكل وياه من اهله

تره ولا واحده تعرف تطبخ

احب اشاقة ان شاء الله الله يجمعنا في الجنة ونلتقي

بالعكس ردك اسعدني
اكيد شفت الآكل شكله حلو ومو اشياء سهلة وخفيفة فمصدگت وهذا فخر النة
شكراً لك ولتواجدك الطيب اخي الكريم