أبوذيات حسينية

[المستشاره]

بدموع العين حتى الراس...حنيت
ومثل حن الفصيل اعليك...حنيت
راسي والظهــــر مولاي...حنيت
واعزي فاطمه بهاي المسيه

[عباس سلمان العامري]

0000
اذكره من اشرب الصافي علي الزاد

وبچـيـت ودمع البعــيـني عـــلي زاد

بجهـــنـم وبألف لعـنه عــلى يـزيد

لأن حرموك من شربة امـّيـّه
000
على حبك تعــنــينه - وغرنه

ولصدور اليكرهونك - وغرنه

نحبك حب فلا مثله - وغرنه

ما عدهم شفيع ولاهويه
000
بــيـه نـتــولع وزايــد - ولعــنه
نمشي وابد ما نتعــب - ولعـنه
على الطاغي ألف لعنه - ولعنه
من الطـّف لآخر نفس بيه
000
أمامي وگاصدك زاير - وسلباك
وسيله ما إلي لغيرك - وسلباك
عجيبه تنذبح ضامي - وسلباك
ولاخلوا ستر لابن الزچيه
000
لبو اليمه رحت گاصد - وسيله
ودمع العــين أهـلنـّه - وسيله
عـد رب العرش هـــو - وسيله
ويخلـّص حاجتي ويعطف عليه

[ضيف]

عباس الفضل كله وجوده
وحسين السبط علّة وجوده
سهم الصوب اعيونه وجوده
كسر ضلعين للزهره الزجيه

[ضيف]

بجت زينب وحيل اصفكت...راحات
وعليه الدنيه دارت دور ...راحات
ايام الجانت وي احسين...راحات
ولفاهه الحزن كل صبح ومسيه


الشاعر ابو علي السعيدي

[عطر الكفيل]

عباس البطل ماصار كفله "كفو له"
واخوه حسين بالعايلة كفله
لاچن عالنهر من طاح كف له
غاب الگمر بارض الغاضرية

بقلمي

[ضيف]

جميل جدا موضوع رائع واشعار جميله واحب ان اشارك واسمعكم رنين قلمي

اكول

انخسف وجه الكمر من الخجل عباس منهل

للشجاعه والفضل والجود ياعباس صرت منهل

حتى النهر منك صرخ من شافك اعليه من هال

دخيلك يبو فاضل ارحم بحالي ومالي
غصب عني ابعدت عنك وحك قطري ومايي
مهر انى ال فاطمه كلي ابجرفي ومالي
جبد كبل حسين يضوك الماي بحشاي مالي
شون اشرب كبل حسين... هيهات.

[المستشاره]

سيف الكربلائي
وفقك الله
بجت روح ال مصايبهة***وسالت
وطفح بركانها عيوني ***وسالت
لأن طفلة انشدت زينب***وسالت
تريد تشوف ابوها بهل مسية

[ضيف]

مشكور اخي العزيز على هذه الابوذيات الجمليه ننتظر منك الاروع
تحياتي الك

[المستشاره]

ليالي افراگ أبو اليمه لوني

-- أون اعليك هاك اسمع لوني

-- گبل عمرك گظه عمري لوني

-- ولا راسك اشوفه ايمر عليه

--

[ضيف]

يدهري افعالك ويانة.. وخيمات
وحركوا جم كلب عدنة.. وخيمات
أشلون الماي اشربنة... وخيمات
شربت الضيم بارض الغاضرية


الشاعر خالد الفراتي