أبوذيات حسينية

[ضيف]

زينب هل بطوله الطف ظهرهه
مثلهه الارض ماحملت ظهرهه
ياوسفه الشمر ضارب ظهرهه
ابسوطه ويشتم ابحامي الحميه

[ضيف]

صديج إلي يودنه مر علينه
نشد وإلگه وكتنه مر علينه
مره إنه الليالي ومره علينه
يروحي لا يصيبج مهضميه


من التراث العراقي القديم

[ضيف]

الحسين يخاطب العباس

يرايح من يشد حيلي اذا نهاك
اخالف ربي يا خوية اذا نهاك
شفتك تصر عالحومه اذن هاك
طلعتك بيهه كسر ظهور اليه

[بنت الفواطم]

فكرة لطيفة جدا وانا من المحبين وبشدة للابوذية

سلمت يداك استاذنا الكريم(العتابي)

حكَه من الونين الكلب ينطر

يالفجرك علينه شوكت ينطر

جم شيعي يصد للدرب ينطر

ويتاني جيتك صبح ومسية

للسيد سعيد الصافي

[ضيف]

اقول هذه الابوذيه ودموعي تهمل الى امامي الحسين
فقد طال الفراق وانا مشتاقه اليه كثيرا

حياتي دونك عليله
بلا نسايم عليله
في غربة مثل العليله
واريدك تحن عليه

[ضيف]

وهذه الاخرى اشكو بها غدر الزمان وجوره

محد غدا لكلبي جابر
كسير وما ليه جابر
على الكبر جني جابر
اهل مدامع جريه

[نور قمر بني هاشم]

أشكر الأخ ( العتابي ) على هالصفحه وأشكر
الجميع لأني من محبي الأبوذيات كثيرا
الله يعطي الجميع الصحه والعافيه

[ضيف]

يدهري افعالك ويانة.. وخيمات
وحركوا جم كلب عدنة.. وخيمات
أشلون الماي اشربنة... وخيمات
شربت الضيم بارض الغاضرية


لعن الله من حال بينك وبين ماء الفرات يا مولاي يا ابا الفضل العباس

[المستشاره]

عيني ترخص ويسهل ودرها
لبت حزام والجابت ودرها
وفه لحسين مرضعها ودرها
اربعة وتنشد اعلى حسين الوفيه

[ابن الاهوار]

بسم الله الرحمن الرحيم
للامام المهدي عج
مصيبة وبس گلب امك حملها
ولوها وطيحوا منها حملها
انچان اتگول ابو الحمله حملها
انگاد المرتضى ابحبل الوصية