إعـــــــلان

تقليص
لا يوجد إعلان حتى الآن.

الموال الحسيني

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • الموال الحسيني

    من حين طاح العلم محد رفع ذابله
    صمصامك اعله الارض چفك وسف ذاب اله
    امصابك لون بالصخر چان الصخر ذاب اله
    نصين يابا الفضل گلبي انجسم ونطر
    من هظم جدواك مذهول العگل ونطر
    ظليت اتانيك عيني اعله الدرب ونطر
    وبكتري اطفال من حر العطش ذابله

  • #2
    هيهات مُغرَمْ شبيهي أوْ بالحِسَين آمصابْ
    وِبْنَبْل الأحزانْ مجروح آو دِليلي آمصابْ
    صبِّ آلوِسَنْ مَدمَعي فوگِ آلخِدود آمصابْ
    لا دِمَه آوْ لا ماي لاچن فيضْ همِّ وَسَمْ
    نِرْجو آبقِصَصْنَه يِلَوِّحْ بالقيامةْ وَسَمْ
    هاي الصحيفة رِسَمْنَه آلْها تَحِيَّة وِسَمْ
    جَمرِ آبْحَشَه آلجعفرية آشلونْ جمر آمصاب

    للشاعر عبود غفلة

    تعليق


    • #3
      يَحْسَينْ اِنتَ الحِزِتْ حُسْنِ النَّبي وَالصِّفَه
      وَصْفَكْ الرَّحمانْ بآياتْ اِلْصُّحُفْ وَصَّفَه
      حُبَّكْ عَلَينَه فَرِضْ رَبِّ اِلْعُلَى وَصَّفَه
      وِمْصابَك آلْزَلْزَلُ اِلْْعَرِشِ آبْسَماهِ وْرَجَه
      لْعَودَكْ اِلْباري عَلَى سِرَّ اِلْخَفِي وَرَّجَه
      إيْ وَحَگْ مَكَّة وُمْنَى ثُمَّ الْحَجَرْ وَالصَّفَه

      الشاعر المرحوم كاظم المنظور

      تعليق


      • #4
        ألف شكر وتقدير للأخ الكريم ابن الأهوار على تفاعله الجميل وإفتتاحه هذه الزاوية الرائعة
        التقدير والشكر العميق الجزيل اخي الكريم

        تعليق


        • #5
          سُواجي الْهم رُوَت دلالِي يوماي
          وانا لدهري علَيَّه بضيم يوماي
          دِنَى حيني وغدى هاليوم يوماي
          وإلك يالْمهدي أذكر هالوصيه

          لأم البنين عليها السلام
          بنينــﭻ طاحوا عْله الـﮕـاع يَمهُم
          وْيُوْم اِلْهُمْ أبَدْ مَاصَار يُمهُم
          وسَف وِحْسين عالتربان يَمهُم
          ذبيح وضَمَّه تابوت الْمنيه

          الدهر مرمرنِي لاسبه وداعي
          بنيني راحوا ورادوا وداعي
          وعليهم ﮔـلبي يتحسر وداعي
          أوالِمهُم واﮔـلهم شلِّي بِيّه

          الْهضم يهل الوفه علّيَّه تِراكَم
          نسيتونِي وسط هَمي تَراكُم
          يريت الساعه بس عيني تراكُم
          واشاهدكم يفرسان الْحميه

          أون وانْحب واجر هَم بأثَرهَم
          ضحايا الطف يريت الْحـﮓ بثرهم
          وسف راحوا بـﮕـطع هام بثرهم
          ويريت اوياهم اخذتني الْمنيه




          إنَني حَرفٌ عَلى جُرفِ قصيده....أَولَدتْنِي لَحظةُ الطُهرِ الْمجيده
          بَل أنَا مِن رحم التَكوينِ قادم .....لأَعيشَ الْعُمرَ للزهراءِ خادم
          سُواجي الْهم رُوَت دلالِي يوماي
          وانا لدهري علَيَّه بضيم يوماي
          دِنَى حيني وغدى هاليوم يوماي
          وإلك يالْمهدي أذكر هالوصيه






          على جاسم لِفت لِجيوش .. لَمَّه
          بعزم فرﮒ جَمعها وعاد .. لَمَّه
          الشباب اليوم بالله شـصاح .. لُمَّه
          عن الْشافه براضي الغاضريه

          يِـنادي للرُبه يايُمه .. حنيت
          الْـﭽـفن ثوبِي اْوْﭼَـفِي بْدَمي .. حنيت
          وبالْحومه لَعَدْلِ النَعِل .. حنيت
          بغدر وَسْدُونِي تربان الْمينه

          يَيُمه لْهَالوكت تدريني .. منضام
          شَباب بزفتي يايُمه .. منضام
          وْيِشرب من لذيذ الْماي .. من ضام
          وانا لْمِنْ دمي تروه سيوف اميه

          حَنِيْنِ الْوَالِدَه وْبَلْوَاكْ .. يابني
          يَمَنْ حُبَّكْ اْبْوَسْطِ اْحْشَايْ .. يبني
          بَعَدْ كِلْ هَالْتَعَبْ وَيَّاكْ .. يبني
          أَشُوْفَكِ مِعْرِسِ ابْثُوبِ الْمِنِيَه

          أَنَا الْفَاجِدَهْ ابْنُوْحِي .. مَنْ يَلِمْنِي
          وﮔِـلِتْ مِنّ اَكْبَرْ اَلْـقه .. مِنْ يِلِمْنِي
          اْوْبِالْطَفْ هِمِتْ وَاْصْرَخْ .. مَنْ يِلِمْنِي
          اْوْمِنْ يِجْـبُر اْصْوَابِ الْصَارْ بِيَّه


          اجروحك ياﮔـمر للروح .. يِدْمَن
          انا السيف اللي بيه نْحور .. يِدمن
          بعد يَمنة علي توﭼـيت .. يَدمَن
          يِمينك ياذخر حامي الْحميه

          لْيِحُورب للـﮕـمر يامات .. ياﭼَـف
          وعجيبه عليه ذاك الْماي .. ياﭼِـف
          ياعين انطفت وانـﮕـطع .. ياﭼَـف
          ويارايه لْهوت بالغاضريه ؟

          يَمن سيفه شكثر فرسان .. ﭼـفه
          وفيت وزودك الْموصوف .. ﭼـفه
          أنا زينب يَمن مـﮕـطوع .. ﭼـفه
          أصد لِجروحك ولالآم بيَّه

          تعليق


          • #6
            الحقيقة ان الزهيري أو الموال يختلف عن الأبوذية فهذا جنس والآخر جنس آخر
            وكل واحد يكتب وفق وزن وبحر مختلف ... وما وضعه الاخ الكريم عباس العامري هو زنجيل أبوذيات جميل جدا
            للشاعر ابو كرار الإحسائي ... وهو بالتالي ليس موالا او زهيري
            التقدير لهذه المشاركة الفذة الجميلة
            دعائي لكم بالموفقية اخي الكريم

            تعليق


            • #7
              المشاركة الأصلية بواسطة العتابي مشاهدة المشاركة
              ألف شكر وتقدير للأخ الكريم ابن الأهوار على تفاعله الجميل وإفتتاحه هذه الزاوية الرائعة
              التقدير والشكر العميق الجزيل اخي الكريم

              اخي اشكرك الشكر الجزيل وبارك الله فيك وانا ممتن لك ولردودك الجميلة وانا خادم لخدام ابو الفضل العباس تحياتي لكم جميعا

              تعليق


              • #8
                جروان دمعي على غير السبط ما جره
                ونيران الخيام ظلت بالچبد ماجره
                ماجره امصاب الودايع بالدهر ماجره
                مابين خيل وزلم كل اليتامه ايعدن
                شافن الوليان اعله الوطيه ايعدن
                منهو ايتكفل ضعنهن لو لطيبه ايعدن
                لو حي وليهن عليهن اجبني ماجره

                تعليق

                يعمل...
                X