يا فرج الله - جليل الكربلائي

[حسين جاسم المظفر]

تدري اشصار..يل مهدي
هاك اخبار..يل مهدي
حان الثار..يلمهدي
يا فرج الله..يا فرج الله
**

ينوح العالم الليله..اودمعته ابعينه مذروفه
ونه اتهاوه القلم مني..اووقع دامي على احروفه
يبو صالح عمت عيني..لون تدري اششفت شوفه
شفت مرقد علي الهادي..انهدم والقبه مقصوفه

عقلي احتار
عيني انحار
والدم فار
يا فرج الله
**

يمهدينه الكفر كله..علينه ابضلمه يتماده
اوافعال اللايم ايزيد..تتواره احفاده
امس رسموا نبي الرحمه..اباسائه الشخصه ومجاده
واليوم الهم الاذناب..تهدم مرقد اولاده

علمختار
علاطهار
اوعلابرار
يا فرج الله
**

الامم من تهتدي ابقاده..تعضمهه اوتمجدهه
اوتقيم الهه نصب تذكار..يذكرهه اويخلدهه
لاكن زمرة التكفير..هلفكره تقف ضدهه
اواثار البقيع اليوم..ضلت من شواهدهه

بس اثار
ابلايه انوار
ابلايه اسوار
يا فرج الله
**

الضلم وارهاب يلمهدي..ما صح بالدهر منه
فعل اشراف هل امه..انه انقلك خبر عنه
يذبحون اليجي زاير..والذباح يتمنه
كل عشره اليذبحهم..بيهم يدخل الجنه

هاي افكار
اهل العار
هل فجار
يا فرج الله
**

لو عضن الجريمه اليوم..فجرهه المدامعنه
لاجن ساعة الشدات..معروفه صنايعنه
احنه من علي الكرار..مجبوله طبايعنه
والله نسحك الاشرار..لو تقبل مراجعنه

هذا انذار
وحنه احرار
من نختار
يا فرج الله
**

يبو صالح ايمتنه..الكواكب تزهي جلفرقه
واذا هدموا مراقدهه..قلبنه الكل ولي مرقد
ايمتنه هدات الدين..اشهد يلولي اشهد
على حبكم يوالينه..كلهه الامه تتوحد

والاحرار
جل انصار
كل اثار
يا فرج الللللللللله
**

[ابن الاهوار]

اخي الفاضل بارك الله فيك تحياتي لك ولو سمحت بابداء رئيي لكنت لك ممتن اخي ان المنشد او الرادود جليل الكربلائي هو من القى هذه القصيدة وهو ليس بشاعر تحياتي لك لو ذكرت الشاعر لكنت لك ممتن

[من نسل عبيدك احسبني ياحسين]

وفقك ربي دنيا وأخره