شعر يشمل الائمه المعصومين للشاعر ابومحمد المياحي

[عمارالطائي]

مايوم روض الوفه ن الورود احمد
للمشى بخير وسعه واجب علي احمد
حبي وودادي النبينا المصطفى احمد
دايم يضل متصل ياربي اشهد علي
خل يكصي بيه الدهر ويزيد ظيمه علي
ماعوف حب الوصي وابكه بولايه علي
بستان حيدر زهه هاك انظر الزهره
واللي يذبلي زهر ماهم انا الزهره
للموت اصيح بحزن مظلومه يالزهره
حب الزجيه عمل مايصح مثله حسن
واعروكي ماي الوفه من نهر ودهه حسن
عد يامره من ولد مثل الامام الحسن
الحنظل بودهم عسل يشفافي بي لحسين
وبحب ال طهه ارتقي من احسن الاحسين
وهنياله كلمن صبح خادم صدك لحسين
واللي يضدهم هلك لو عمره ظل سجاد
الشيعتهم انا فرشت جفن النظر سجاد
ومنك خذيت الصبر ياسيدي السجاد
بصبر العليله اعترف وك يازمن باقر
عود الصبح للعلم بين الملى باقر
ارسل سلامه النبي لمحمد الباقر
اهل الذكر نهجهم اخذو عليه صادق
ماعدهم ابدا زلل كل قولهم صادق
جعفري انا وهلي وايمامي الصادق
خل يبرد بشفرته دهري ويحد موسى
عاشك وعكلي شرك جن العشك موسى
الحاجتم يامن ردت صد وجهك لموسى
كلمن كصد حضرته بالخير رد والرضا
نسحك بعظم اليضد وانكسره وانرضا
بالكاظم انا قسمت ياسامعي والرضا
ودهم الروحي درع بيه المخاطر تقي
والبايع ال النبي محسوب هذا تقي
يامذهبي ايمامهم كلي جواد وتقي
مذهب الشيعه الصبح للغانمه هادي
للشيعه عمري نذر وبلاثمن هادي
عاشر انوار الهدى من فاطمه الهادي
عسكري بقلبي الشعر ماينهزم عسكري
وجندي البني فاطمه واكضي العمر عسكري
لمن يهل بالنصر ابنك يهل عسكري
المتسمي باسم النبي مهدي الامم احمد

[ابن الاهوار]

احسنت اخي بارك الله فيك تحياتي لك

[ضيف]

بارك الله بيك اخي على هذه الابيات الرائعه تحياتي

[ضيف]

هذا واحد من الألوان الشعرية التي امتاز بها محبي أهل البيت عليه السلام
خصوصا في المواليد .. وهذا الزنجيل واحدا من تلك النصوص البارعة الصياغة
التقدير والشكر لك اخي الكريم على نقلك الجميل