إعـــــــلان

تقليص
لا يوجد إعلان حتى الآن.

وينك يالاكبر يبني

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • وينك يالاكبر يبني

    في اللقاء الذي اجريته مع شاعر محافظة واسط ابو محمد القريشي كان احد الاسئلة حول القصيدة التي يرغب بنشرها في المنتدى وكان جوابه هو قصيدة (وينك يالاكبر يبني ) وها انا افي بوعدي له لنشرها اتمنى ان تنال اعجابكم ويجعلها الله في سجل حسنات كل من كتبها وسمعها وقرأها


    وينك يالأكبر يبني يالفگدك مدولبني

    ردتك تلمني بكبرتي يبني وعفتني بغربتي

    *****************

    ليله تعاتب الأكبر وتگله بدمع همّال

    يبني اللي ضمدت عليه من جور الزمن لو مال

    طبع الوالده يبني تبني اعله الولد آمال

    تگر عيونها بشوفه وتهنه ويفرح الدلال

    يبني ويسر خاطرها لمّن يجي وينظرها

    وهذا الجيته بميتي يبني وعفتني بغربتي

    **************

    الأم يبني يشبل حسين تحسب للولد أيام

    تتمنه الولد يكبر وترسم للفرح أحلام

    ولومره الألم صابه گبله تصيبها الألآم

    ولو مسه الزمان بظيم ماطبّگ جفنها ونام

    ولو شخصه غايب عنها يكثر حزنها اوونها

    وهالحاله چانت حالتي يبني وعفتني بغربتي

    ******************

    يبني الصوباه البين وبفرگاه صوبني

    عذبني الوكت وياه يارجواي عذبني

    آنه محيّره ابّلواي والآهات تجذبني

    فوگ مصاب ابوك حسين بيك الدهر يفجعني

    زادت عليه جروحي بالون اهوّد روحي

    وين الينشف دمعتي يبني وعفتني بغربتي

    *******************

    يامن بالصفات البيك شابهه النبي المختار

    من رحت وغفتني أشلون بأمك ما دريت أشصار

    محنّيه الظهر ظليت أنحب والدموع اعبار

    فتّت چبدتي فرگاك يوليدي وشعلني بنار

    فگدك مرد دلالي ياسلوتي وآمالي

    ريتك تشاهد هظمتي ينبي وعفتني بغربتي

    ******************

    يالأكبر يبعد أمك يالشوفتك تحيي الروح

    يبني اشلون اشوفنك دامي مگطّع ومطروح

    جسمك بالقنا موذّر ودمك عالترب مسفوح



    ريت الموت ياخذني ولابعدك اظل بالنوح

    شلي بحياتي وعمري لومني شالك دهري

    ياحسرتي ويابلوتي يبني وعفتني بغربتي

    **************

    يامنّك گطعت الياس روح وداعة الله بهاي

    أنته موسد التربان وآنه ابگه بهظم دنياي

    يامحنه وهظم ياظيم يابلوه المثل بلواي

    عگب الأهل والوليان تتحكم علينه اعداي

    ولرض الغرب يردوني ويّه الحرم يسبوني

    ياهو اليباري النگتي يبني وعفتني بغربتي

    ***************




    sigpic

    لاتسألني من انا والأهل أين
    هاك أسمي خادماً أم البنين


  • #2
    احسنت بارك الله في من الفها وكتبها تحياتي

    تعليق


    • #3
      الاخ الكريم احمد الحجي بارك الله بك وسلامي الكثير للشاعر القريشي
      وبشأن موضوعك الذي أرسلت لي رسالة عنه بإذن المولى سأفاتح الإدارة
      وأرجع لك الخبر النهائي
      تقديري لجهدك الثمين وبالغ محبتي واحترامي
      وَمَنْ يَتَّقِ اللهَ يَجْعَلْ لَهُ مَخْرَجاً

      تعليق


      • #4
        اشكر مرورك الكريم اخي الموالي 2010

        اشكر مرور مشرفنا الغالي العتابي شكرا لك مشرفنا لاهتمامك بالموضوع وفقك الله لكل خير
        sigpic

        لاتسألني من انا والأهل أين
        هاك أسمي خادماً أم البنين

        تعليق

        يعمل...
        X