رقية في الغربة
رقية في الغربة
**************
هم شفتي يعمه مثلي مظلومة؟
من شربة الماي ومن هلي محرومة؟
**********************
لاابو الاشوفة وبيه اتصبر
على جوعي و العطش الله اكبر
*************************
ابجي ياعمه دموم مو بيدي
تره فراك الابو جن حز وريدي
****************************
وعندي يعمه عتاب وي عمي
ليش تركني وماحضر يمي؟؟
*****************************
عطشانة كتله واريد الماي
جاوبني اصبري يانظر عيناي
*****************************
وصبرت ايام وماجاني الكمر
ياعمه اشصار جاشنهو الخبر؟
****************************
اسألج يعمه واني اريد جواب
عن عمي وابوي وكل الاصحاب
****************************
شوياهو الاكله الماي عن عيني يغيب؟
ومايرد ليه الامر جدا عجيب
********************
مشتاقة لابويه حسين مكدر انتظر
شفته يعمه بالحلم جنه حضر
**************************
وين حسين ياعمه وينه الوالي
اريدن شوفته وينه الغالي؟
************************
جن سمع صوتي يزيد
وصاح هالطفلة شتريد؟
*********************
جاوبه ورد العسكر
كله اعتقد واتصور
****************
طلب واحد عده
اتشوف بس والده
****************
ناده الملعون الحراس
انطوها بس هذا الراس
****************
جابه الراس وحطه اهناه
يمه الطفله واويلاه
***************
شافت ابوها حسين
وغُمضت بعدها العين
صاحت زينب ياهالناس
ماتت رقية عالراس
ماتت رقية عالراس
**********
كتبتها العام الماضي
اختكم عاشقة زينب ع
اسألكم الدعاء
تعليق