تويت
اولى مشاركاتي في منتداكم الرائع وهي قصيدة من الوزن الموشح
نيران الروح
اشمال روحي تستعر نيرانها @@ اتعايشت هالروح ويه احزانها
************
اويه الحزن روحي تعيش امن الزغـر
وضلت ابــهـمها او جـمــرها اليستعـر
ابـــلوعــه وابـــــألآم گــَـضيت العمـر
وفـــســرت صم الصخـــر اشجــانـها
************
اتــفــسر الجـلـمود من دمعي اليهــل
وچــم مــصاب المر عليّ مايـنحمـل
كل اخوتي ابكربله خلـصــو چــتـــل
اجســادهـم صار التــراب اچــفـانها
************
صارت الاچفان من ذاري الـتـراب
ياهو يـــتــحمل مثــل هذا الــعــذاب
او ياهو يگدر يصبر بهذا الـمـصاب
ويــا مـــره التحمل فــگــد ولــيـانـها
************
ياهي تــگـــدر تــصبر ابفگد الاهـل
وأنه من افــــراگــهــم گــلــبي ذبــل
اجبال لو شافت مصابي اللي حصـل
اتـــذوب مــنــهــا وتنخطف الـوانها
************
اتــذوب من امصيــبــتي كـل الجبال
من تشوف ابـدور متــوســده الرمال
ماتظـل بــمــچــانـــهــا وهـذا محال
وتــصـبح الخله ابـجـمـيــع اوزانـها
*************
تخــتـل اجـبـال الارض من الحـزن
وتـبگــه تجري ادموع وتنوح وتـون
ولـمــصاب حسين ما يــهـجـع جـفـن
وتــجـري عـبـرتها لگــمــر عدنانها
*************
للگــمــر تگــضي عــمرها بـالنحـيـب
وتــنــفــجــر لــو شافت حسين الغريـب
من كـــثر حـــزني الصخر لاشك يعيب
وتــنــحــني ومـــا يــنــعــدل بــنــيــانها
************
هـذا حــال الــصــخــر وشلـون الگــلـب
حگـــه لو يگــضي العــمـر نـاره تـشـب
فــاجـــده اخـواني او فگـــد اهلي صعب
امـصــيــبة الطــف بـالگــلب نــيـــشانها
*************
ضل وســط دلالي نــيــشـان الــطـفــوف
ورسم صورة منحــر اتـحــزه الــسيــوف
وطبع باحزانه گــطــع ذيــچ الــچـــفــوف
وكــتـــب قــصــتي والــدمــع عــنــوانــها
**************
كــتــب قصتي او رسم بــهـمـومه صــوّر
رســم نـــبــلــه صـوبــت عــيــن الگـمــر
ورسم لــمــن طــاح مــحـــزوز الــنــحــر
او ذكـــر فــتـــيــة هـــاشــم وشـــبــانــهـا
*************
خادم اهل البيت (ع)
الشاعر
سيد علي الجابري الجنوبي
اسألكم الدعاء
تعليق