قصيدة سر الوجود

[الشاعر سيد علي الجابري]

قصيدة سر الوجود قرأتها في مهرجان الامام علي عليه السلام في الثاني والعشرين من رمضان في محافظة ميسان
(( سر الوجود))

اسمك گبل ادم منكــتب عاللـــوح,,, وگـــبل ادم يحـــــيدر شعت أنوارك
گبل الكون نورك بالعرش موجود,,,ابلطف ذاته الإله بـــقدرته اخـتارك
وياسر الوجود وما الك تــفـســـيـر,,,بس الله ومحــمد عـرفوا اسـرارك
يــــارحــــمة البــاري وزيــــنة العـــباد,,,جـــبــرائــيل يــفرح يـخـدم ابـــدارك
ويـــابــــاب العلم يـــا اوسع ألبيبان,,,ولكل العــــوالم تـــنــبـــــع افكارك
وياصاحب الدمعة التجري بالمحراب,,,ابصلاتـك ياعلي ماتسكن اعبارك
وياتاج الخلود وبالحرب صنـــديد,,,غــضب ينزل اذا سلـــيــت بـتارك
ويمبچي الحروب بسيـــفك الفــقار,,,يگـــطر مــوت بالمـيــدان فـقارك
من اسمك يحيدر رجف حتى الموت,,,أجه الموت آو ركع من لمعــت اشفارك
تضحــك لو شفت فجر الملاحم بان,,,ويـافارس وصل ياحيدر أسوارك
وهسه شلون اصدگ طحـــت ياكرار,,,شصــدگ ابن مــلجم صار طــبارك
اصدگ راسك ابسيف اللعين انصاب,,,وانته الما غـفــت عـيناك عن ثارك
گلي شلون تــــرهم وأنه اصدگ هاي,,,وانته امن الخطر بيك احتمه جارك
انهض ياعلي يالـــتــكـــرم الــخــطار,,,يحــيــدر مــا اظــنــك تــرد خطارك
حشه يالمرتضه مايرد مــنـــك ضيف,,,عله أضيـوفـك تصب من عذب أنهارك
گـــوم اليـــوم شـــوف أيــتـــامك ابيا حال,,,اجت تــــبــچي بدل ما اجـــت تــتـبارك
يـــابـــاب الــمـــراد ومــگـــصد الــوفــاد,,,ويـــهـــنـــيـــاله التسـجــل ويه زوارك
ويـــهـــنـــيـــاله التسـجــل ويه زوارك
************

الشاعر
سيد علي الجابري الجنوبي

[الشاعر طالب الشطري]

عاااااااااااااااااااااااشت الايااااااااااااااااااادي
وجعلها الله في ميزان حسناتك
تقبل مروري البسيط
اخوك

[الشاعر سيد علي الجابري]

المبدع طالب الشطري شكراً جزيلاً لمرورك
المميز انرت متصفحي حبيبي تحياتي لك
اخوكم الصغير الشاعر
سيد علي الجابري

[عاشقة المؤمل]

صح لسانك اخي المبدع كلمات في غاية الروعة عن مولاي علي عليه السلام
وخصوصا الابيات الاخيرة جميلة جدا

وفقك الله وسدد خطاك

[الشاعر سيد علي الجابري]

عاشقة المؤمل شكراً جزيلاً لمرورك المميز
انرتي متصفحي بتواجدك العطر دمتِ بحفظ
الرحمن تحياتي لكِ اخوكم الصغير
الشاعر
سيد علي الجابري