مرسل انته بجود ورايه

[محمد المالكي]

مرسل انته بجود ورايه **والجف صلَّت ** يا عباس

من الباري هــــذيالايه ** بالطف نزلت ** يا عباس
من المس ذكرك مي عيني *** يجري على الخد ويوضيني

**********************************

عـــلي من ودّع الدنيه ** ترك بيـــها ابوفاضل
بدر لو حـــــنَّتلحيدر ** تشوفه بكربله شعــامل
محمد بالحسين اصبح ** صفه بحيدر على الباطل
تعـــــنَّه لكل صنمبيهم ** اسد وبكل غضب صايل

يصرخ سيفك وين الكافر ** نارك تسعر ** يا عباس

انتـــــه قيامة يومالعاشر **سيفك محشر ** يا عباس
دمعي اليمطر كل سنيني *** يجري على الخد ويوضيني

**********************************

تعنيت الشريـعه وجف **فرات الشح على العتره
نشف مايه ويبسجرفه**رجــــــــف وتقدَّم بعذره

يشوفك مشتعل صدرك **صـرخ مـدّه وتهم جزره
ترس جودك دمع خوفه **دخـل يم فاطـــمه الزهره

حتى الماي يهاب جفوفك **خايف زعلك ** يا عباس

مدري شلون الروح تعوفك**ليلة قــتلك** يا عـباس
يلطم دمعيويواســـــــــيني *** يجري على الخد ويوضيني

*****************************************

يسبع القنطره بجفك ** دحيت بكربله خيبر
قلعت من النهر مايه ** فتحت بسيفك العسكر
يهود ومرحب اكبالك **تذكر ضربتك من فر
يخاف يبارزك يدري ** تقسمه مدرِّسك حيدر

وارث سيفه وكل صولاته **شفته بطيفك ** يا عباس
بالطف صوره لكلحملاته ** ردهن سيفك ** يا عباس
عن فقدك دمعي يحاجيني *** يجري على الخد ويوضيني

*****************************************

احد ردها مصاب الطف ** رمح وحشي الطعنحمزه

يذلونالاهــــــــــل رادوا ** يبيت اللي الصــــمد عزَّه

محمد محتـــــميبحيدر ** يصــــــــيح وللعرش هزَّه
هِند باعـــــت لاجلنحرك ** شـــــــــرفها وكافر الحزَّه

اصبح واضح كل مقصدهم ** ذبح العتره ** يا عباس

ناذر سيفك يخدم ودهم ** بيت الزهره ** يا عباس
دمعي يسولف ليك ونيني *** يجري على الخد ويوضيني

*****************************************

جفوفك بالكلب صارن ** صحن حضره النبض زارك
غشــــــيم الرايديهدمك ** ضـــــريح وبالنفس دارك
اوزنك بالذهـــبواخجل ** رخـــيص وغاليه اسعارك
قليل شـــــــــــماكتبنالك ** لون كل الشعــــــــر شارك

بحروف اسمك صرتاتغازل ** وانظم شعري** يا عباس
عن حــــــــــــــبكلا ما نتنازل ** عشكك عذري ** يا عباس
دمــــعييخـــــــــط ليك دواويني *** يجـــري على الخد ويوضيني

*****************************************

[ضيف]

الكلمات لا توفي حقكم
ابداعاتكم تنهمر علينا كالمطر
قصيدة روعة كسابقاتها

سملت يداكم اخي الكريم
نتتظر جديدكم المميز والرائع

تقبل مروري القاصر

اختك
بنت الحسين

[محمد المالكي]

الكلمات لا توفي حقكم

ابداعاتكم تنهمر علينا كالمطر
قصيدة روعة كسابقاتها

سملت يداكم اخي الكريم
نتتظر جديدكم المميز والرائع

تقبل مروري القاصر

اختك

بنت الحسين

اختي الكريمه
شكرا لمرورك الطيب
وتقبل الله مني ومنكم
وجزانا خير الدنيا والاخره
وكل عام وانتم بالف الف خير