إعـــــــلان

تقليص
لا يوجد إعلان حتى الآن.

ضليت محتاره

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ضليت محتاره

    ضـلـيــت مــحتاره
    وكَــلبي تشب ناره
    هـاك اسمع اخباره
    واتحيرت بامرين,,,بين الكَمر وحسين
    ضـلـيـت مــحـتاره
    ******
    خـويه هاي أنه العقيله,,,اتـحيرت يـاجرح اشده
    بالدليـل اجروح كـثـره,,,يـاجـرح منهن اضمده
    لـو اطيب جرح بيــهن,,,تنزف اجروحي وترده
    بالكَلب مو جرح واحد,,,كَـلــبي مـليان اشيـعده
    تـدري الكَـلب مليان
    هـم وهـظم واحزان
    اسـمـع يعالي الشان
    محتاره اطلع وين,,,بين الكَمر وحسين
    ضـلـيــت مـحـتاره
    ******
    اتحيـرت لاوين اطلع,,,يا جـسد امشي واشوفه
    اكَصـد لبـدر الهواشم,,,وانـظر ابعيـني اجفوفه
    واكَعد ابدمعي اعاتب,,,يــمه اكَــعد مــا اعوفه
    يالجبتـني وياك اكَـله,,,جـرح دلالي اشـيـروفه
    خويه الجرح ميطيب
    لو انته عـني اتـغيب
    وكل الضنون اتخيب
    واتوجرت نارين,,,بين الكَمر وحسين
    ضـلـيــت مـحــتـاره
    *******
    لـو اروحـن لبو اليمه,,,اكَعد ويم جسمه انـحـب
    وبـدموع العيـن اعاين,,,انـظر لجبده التـصـوب
    وانظر لنحره واشاهـد,,,جسمه من دمه تخضب
    فوكَ كل هذا الاشـوفه,,,شفـته من هــدمه تسلب
    بالطف دلـيلي انعاب
    شافـك سلـيـب وذاب
    يـاشبـل داحـي الباب
    شال الكَلب جرحين,,,بين الكَمر وحسين
    ضـلـيــت مـحــتـاره
    *******
    من ثجيل اهموم كَـلبي,,,سـاعه مـا سچن ونيـنه
    اوماتــطيب اجروح بيه,,,وچافلي امصوب ابعينه
    ياوسف راواني دهري,,,بــالـعـمـد رضو جبـينه
    وياوسف شاهدت عيني,,,كَـطـعة ايـساره ويمينه
    نــاديـت بــالـمدمــع
    ياابا الـفــضل اسمع
    للـيــسر راح اطــلع
    والمن ادير العين,,,بين الكَمر وحسين
    ضـلـيــت مـحــتـاره
    ******
    من بعد جافل اضعوني,,,الطايح ابصوب الشريعه
    اعـتـني لحسيـن انـشده,,,بــالــمـدامع عن رضيعه
    خويه يــاجرح اليألـمك,,,كَــلي يــبن امي الـوديعه
    شلون حالي بعد عينك,,,وبعــد احــمل چــم فجيعه
    ماتخــمد الجمره
    وبــمهامــل العبره
    گــــلبي نفذ صبره
    او دوهني جف البين,,,بين الكَمر وحسين
    ضـلـيــت مـحــتـاره
    *********
    الشاعر
    سيد علي الجابري
    sigpic
    حالي شلون بــعدك صار مالم,,ودليلي غير لوعه وحزن مالم
    يبو السجاد اذا فد يــــوم مالم,,اشـــوفك تــظلم الــدنيا عليه

  • #2
    اللهم صل على محمد وآل محمد

    ما اجمل ما تُسطروه في سيد الشهداء(ع)
    ليت هذه القصيده تُقرأ بصوت شجيّ لاحد الرواديــد
    سيكون لها تأثير ساحر ومؤثر
    مبدعٌ انت يا أخي وليتك لاتقول اخوكم الصغير فأنت كبير بحب محمد وآل محمد(ص)
    وبخدمة مصباح الهُـــدى(ع) وسفينة النــجاة
    زادكم الله رفعه وشرف ... وفقك الله لكل خير

    اختكم
    البصـــراويه
    قـــــــــــــــــــــال أمير المؤمنين علي (عليه السلام)

    دواء القلـــــــــــــــــــــ ــــــــب الرضـــــــــــــــــــــ ــــــــــا بالقضــــــــــــــــــــ ـــــــــــــــــاء

    تعليق


    • #3
      الاخت الكريمه البصراويه انا ممتن لكِ على مرورك
      المميز ودعائكم لنار انار الله قلبك ووفقك لكل خير
      دمتِ بحفظ ال محمد صلوات الله عليهم تحياتي لكِ
      اخوكم الصغير
      الشاعر
      سيد علي الجابري الجنوبي
      sigpic
      حالي شلون بــعدك صار مالم,,ودليلي غير لوعه وحزن مالم
      يبو السجاد اذا فد يــــوم مالم,,اشـــوفك تــظلم الــدنيا عليه

      تعليق


      • #4
        اللهم صلي على محمد وال محمد
        بارك الله فيك اخي شاعرنا العزيز تحياتي لك قصيدتك قصيدة رائعة انت مبدع احياتي لك من القلب الى القلب

        تعليق


        • #5
          اللهم صل على محمد واله
          قصيدتك ممتازه مولاي علي الجابري ابدعت فعلا .. امنياتي ودعائي لك بان تصبح شاعرا حسينيا متالقا
          *في قلبي حب الزهراء*
          * ينجيني من كل بلاء*

          تعليق


          • #6
            ابن الاهوار ويبارك فيك ربي وانا شاكر مرورك
            المميز انرت متصفحي بتواجدك العطر دمت
            بحفظ ال محمد صلوات الله عليهم تحياتي لك


            الاخت الكريمه حنان الحيدري مولاكِ الحسين
            عليه السلام وشاكر مرورك المميز والحمد لله
            الذي انعم عليّ بهذه النعمة التي لولاها لكانت
            حياتي معدومه تماماً لله الحمد الذي جعلني
            شاعراً حسينياً وانا افتخر بهذا الى ابد الابدين
            تحياتي لكِ اخوكم الصغير
            الشاعر
            سيد علي الجابري الجنوبي
            sigpic
            حالي شلون بــعدك صار مالم,,ودليلي غير لوعه وحزن مالم
            يبو السجاد اذا فد يــــوم مالم,,اشـــوفك تــظلم الــدنيا عليه

            تعليق

            يعمل...
            X