تويت
----------
يبو الباقر الك افدي نظر عيني
بس ترضه الك خادم تخليني
--------
يبو الباقر عليك ابدمعة اسكينه
وبالعباس احلفك وبنظر عينه
بخدمتك هالعمر تقبلها وسنينه
ومن جدك محمد اجري ينطيني
----------------
يمن بس اذكر امصابك نزف گلبي
اريد ابخدمتك مرضات بس ربي
يالحُبك يبو الباقر ضوه الدربي
والدرب الرشد حُبك يدليني
----------
ادري بيك يالسجاد چم لوعه
وجفنك منجرح من كثرة ادموعه
لأن بيدك لبوك اتلملم اضلوعه
ودم امن اذكر امصابك يبچيني
------------------
اريد ابجاهك العند الله يالسجاد
كل عام اليجي اخدم الك ينعاد
فدوه ايروح ابويه وامي والاجداد
يبو الباقر الك وافديلك اسنيني
-------------
انته اللي عليك الحزن يتوجب
وشمنجود نبچي اعليك لو ننحب
منوفي وحق اللي كفل زينب
وگاللها اجيب الماي شوفيني
----------------
يبو الباقر وحق زينب او والدها
ادري هل الخدامه هاي متردها
الشفاعه امن الزجيه انه رايدها
وغير الزهره باچر من ينجيني
-----------------
سيد عدنان الحمامي
السلام على الحسين وعلى اخيه ابى الفضل واخته الحوراء
السلام عليك سيدي علي السجاد
اجعلني خادمه لكم سيدي مدى العمر بمنزلةسيدي ابى الفضل وبحق هذه المقام مولاي بشرني بتحقيق حلمي وتسهيل عسري
اسئلكم الدعاء
تعليق