إعـــــــلان

تقليص
لا يوجد إعلان حتى الآن.

امي

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • امي

    بسم الله الرحمن الرحيم

    السلام عليكم ورحمة الله وبركاته


    ولعي وحبي لشعر جعلني انتقي لكم هذه القصيدة رايتها في منتدى عراقي فنقلتها لكم
    من شفت لهلال هل اشكد بجيت

    وشنهو نفع الدمع مابي فايده

    عيد بالغربه وذكرت امي بحنين

    وروحي مثل الثوب طاحت بايده

    عيدج مبارك ييمه اليــوم عيــد

    وروحي غيرج منهو يسوه تعايده

    يمه ادري العيد غبشه ويالصلاه

    يبدي من بوسه اعله جف الوالده

    .................... ....

    امي روح الروح واغلى من الحيات

    كل بحور الشعر بيها امحيرّه

    امي رحمه منالسما انطاها الاله

    امي جنه ابيتنه ابهـيئة مـره

    امي حنيه ووفه واطيب حليب

    ماي كوثر منهو ينكر كوثره

    امي لو لولت بليل اعله الزغار

    النجوم ابابـنه ايـلزمن سـره

    والليل شيلة راسها التف بسكون

    والكـمر جلابها ومـو مشـتره

    امي من تقره الدعه ابوكت الغروب

    ادموعها اتطيح وتخظر مغفره

    ومن تمد اجفوفها العالي السماء

    بين ارض وسما يصيرن كنطره

    امي تعبت تعب ماتعبته ارجال

    وهيه مو كل مره تتسمه مــره

    امي ربتنه صدك فدوه الها اروح

    امي جاه البيـت عـز ومفّخره

    امي ماذلّت ولا همـها حصـار

    وماكسرها ابيوم كسرتله اضهره

    مابقه التنور خالي ابلا رغيف

    ولا طفه ومكسور خاطر مظهره

    اتسرفنت بعناد كل الحاصروه

    وخبّزة الجفين جبره الخاطره

    امي طيّبت نفس مامدت اديــن

    وما يهـمها المـال كله ولا ثره

    امي لهل الطرف قدوه ابلا غرور

    ويابخت كل جار هيه اتجاوره

    امي جانت من يجيبون الشهيد

    اتروح تتعنه ابحزنها اموزّره

    ولو نعت هالوالده ام صوت الحنين

    جبل حمرين اعله طوله اتفطّره

    ودوم من تنعه بنعاويها تكول

    انريــد شبان الوطن يالمكبره

    بياذنب من شدوا اعيون الشباب

    وصعّدوهم عالمشانق بالسره

    امي وجه الخير بيبان السماء

    من فضل الله ودعاها اميسره

    امي هيه اول احبيبه بالنساء

    وهـيه آخرهن اليــوم الآخـره

    امي لو امشي امغمض ما اتيه

    اعيونها التبرالي خطة مسّطره

    امي جائز يوم ارد الها الجميل

    اله في مسأله تبقه امحيّـره

    امي مارضعتني من هذه الحليب

    امي رضعتني محبّـة حيــدره




  • #2
    عاشت ايدك
    اتمنى لك دوم الابداع

    تعليق


    • #3
      نقل رائع وقصيدة جميلة

      واعتقد ان الشاعر هو
      مرتضى الساعدي

      لكم التقدير الدائم والاحترام والدعاء
      وَمَنْ يَتَّقِ اللهَ يَجْعَلْ لَهُ مَخْرَجاً

      تعليق


      • #4
        اهلا وسهلا بكم اخوتي الافاضل

        اخي العتبابي لااذكر شاعرها بالضبط لاني قرأتها واحتفتظت بها منذ مدة طويلة


        لكن نسيت ان ادون اسم شاعرها

        شكرا لمروركم



        تعليق

        يعمل...
        X