وياكم ** اصيحن والدي اخذوني (( العليله ))

[محمد المالكي]

وياكم *** اصيحن والدي اخذوني
وياكم *** عــــــــليله ولا تخلوني
وحيده بدار *** ابو الاحرار
وياكم *** عــــــــليله ولا تخلوني
***********************
دمع عينه ترس خـدَّه **** تلمَّس جبهــــتي بيـده
عليله والسـفر شـــدَّه **** يكول وكــــربله بعيده
وعد لو طالت المـــدَّه **** عدل ما عوفج وحيده
ابوي الما خلف وعدَّه **** عجب غابت مواعيده


وياكم *** عساها مســافره روحي
وياكم *** حنيني ولوعتي ونوحي
دمع مدرار *** ابو الاحرار
وياكم *** عــــــــليله ولا تخلوني
***************************************
غريبه بديرتي بعدك **** يبويه وحالتي صعـــــبه
عليك بحــيدر وجدك **** عليك القبله والتــــــربه
يفاركني صعـب ودَّك **** ترد ما احمل الغــــــربه
نخيت الخالق يـــردك **** صدر ما ينوصـف كلبه


وياكم *** اريدن اختـــم ســــنيني
وياكم *** عمت مـن الحزن عيني
صفت انهار *** ابو الاحرار
وياكم *** عــــــــليله ولا تخلوني
***************************************
علي الاكبر وابو فاضـــــل **** وابن عمي الحسن واختي
واخوي اليرضــــع وجاهل **** رقيــــــــــَّه توسلت سكتي
اشوفـــــك من صدك راحل **** خفيتك حســــــرتي وونتي
بحر والخـــد صفه الساحل **** تصب تمطــــر دمع عمتي


وياكم *** يبيت المصطفى الهادي
وياكم *** يزينب فاطـــــمه تنادي
تشب النار *** ابو الاحرار
وياكم *** عــــــــليله ولا تخلوني
***************************************
دعيت وخالقك يســمع **** عليله فاطــــــمه تناطر
دعاك الرب يمن تركع **** ليالي وما طعــــت كافر
اذا دين النبي يرفـــــع **** رضيت يـدوسـك الحافر
لون ادري الدمع ينفـع **** ابد ما جفَّـفـت ناظــــــر


وياكم *** قســـــــمتي بكربله قبري
وياكم *** اسلم للصـــــــــمد عمري
مع الابرار *** ابو الاحرار
وياكم *** عــــــــليله ولا تخلوني
***************************************
انوح وليلتي تــــواسـي **** دمع صبَّت ســمه الباري
مصايب شـــيبت راسي **** ذِبِت شمعه بحــزن ناري
عليله فاطـــمه تقــاسي **** وحــــــيده عايشه بداري
دمع عيني هلي وناسي **** بعــدكــم والقــــهر جاري


وياكم *** مشت روحي رغــم علتي
وياكم *** صفت خيل المرض ونتي
على الكفار *** ابو الاحرار
وياكم *** عــــــــليله ولا تخلوني
***************************************

[ضيف]

يا لها من كلمات تحطم الصخر

اخي الكريم محمد المالكي

عاشت الايادي

تقبل مروري

[عاشقة زينب ع]

السلام عليكم ورحمة الله وبركاته

احسنتم ووفقتم

وطيب الله انفاسكم

[عباس سلمان العامري]

السلام عليكم ورحمة الله وبركاتة
عظم الله اجورنا واجوركم بهذا الشهر العظيم الذي سفكت به دماء ريحانة رسول الله واهل بيتة
اخي الغالي مشكور على هذه القصيدة التي تاخذ مئخذها من النفوس والمشاعر