المشاركة الأصلية بواسطة الشاب المؤمن
مشاهدة المشاركة
الشاب المؤمن وفقكم الله
-
اترك تعليق:
-
رد الزائرطيب الله انفاسكم
قصيدة رائعهاترك تعليق:
-
حوار الابطال
المستهل
الليلة الليلة محتاجه عيني اتشوفك الليله
الليله الليله مشتاكه اجفوفي اجفوفك الليله
(1) من وجهه تشبع شوف تريد النواضر
كاصد لخوي حسين والليله عاشر
انجدد عهدنا اويا والوعد باجر
حان اللوفه لحسين ابنذر العليه الليله الليله
(2) ارد اعتني لحسين وسمع وصاياه
من وجهه اشبع شوف من احجي وياه
اليسره كبل العين واليمنه تفداه
بس كونه سالم ريت وانه الفديه الليله الليله
(3) من الزغر فكيت عيني على حسين
علمني حبه اشلون افديه بالاثنين
ملكني حبه وصار المهجه والعين
مني ويريد الروح يطلب هديه الليله الليله
(4) أوحيدر علي الكرار والزهره ورباي
وقسم ابنور حسين ما انثني ابهاي
ما ازل عنك دوم والعهدي وفاي
حبل الوصل وياك حد المنيه الليله الليله
(5) ياخويه شنهي الراي خليني انشدك
باجر يماي العين من تضل وحدك
خويه العطش يحسين يمرد جبدتك
دونك وحك عيناك يبن الزجيه الليله الليله
(6) من عيني طار النوم جيتك بلا راي
بيا حال عيني اتنام والخيل اجت هاي
وانه ابن داحي الباب للحامي حماي
كون الصبح يحسين يصبح عليه الليله الليله
(7) هذا المسه يحسين وشبعد صبحه
كون الفجر هساع والشمس تصحه
ابعزم الله والكرار هل الجيش امسحه
وسكي الضما البحشاك بثنين اديه الليله الليله
(8) من درة التكوين من كبل الاصلاب
كلبي الك مفتوح ومشرع الباب
اطلب وخذ شتريد ولا تحسب احساب
كلي الك يحسين مو بس اديه الليله الليله
(9)لو عندي ميت روح كلهن فداياك
ومن الجفوف ألوف تتكطع اهناك
اتوذر اولا شوف كطره من ادماك
يا بعد عمري اطيح بالغاضريه الليله الليله
(10)يا با الفضل حياك بالخوه معروف
باجر يراعي الجود بعيونك اتشوف
عل علكمي وطيح من زندك اجفوف
وزينب عكب عيناك تصبح سبيه الليله الليله
(11) أمسينا وبيا حال امست حرمنا
باجر يخويه الخيل تحرك خيمنا
وبالغاظرية اتشوف طيحة زلمنا
حاضر علي وياريت حامي الحميه الليله الليله
لخادم اهل البيت السيد شاكر الحسيني
اترك تعليق: