خويه ينبع الوفه

[سعد مطلوب]

(( خويه ينبع الوفه))

موگد حيـــــاتي أنطفــه ... خــــويه ينبــع الوفــــه
من رحت عني يحسين ... سالت دمِه جفون العين
خويه ينبع الوفه
************
من عيني يحسين الدمع سال أنهار
وبكلبي شــبت خويه جمـرات النار
من شـــفتك موذر أبّيض الأشـــفار
وضعي تغيـر والجســـد حَيله أنهار
كَوز الدهر ســـدد زين ... صـوبه الگلبي بّسهمين
عالدنيــه صحنـا العَفـه ... خـــــويه ينبـع الوفــــه
************
جيتك ياخويه أتباصر وياك الحال
هالحرم ضلت هايمه وي الأطفال
ياهو اليـردهــــا بعـد فگد الأبطال
عُگبك صُفينه أبين حفنت أنــــذال
ومصابي صار مصابين ... وبگلبي شبت نارين
والحــــــزن خِلي صُـفه ... خويــه ينبــع الوفــه
************
خالفني صبــري والحــزن والفني
بامواجـه بحـــر النــــايبه جارِفني
تمنيــت كَبــــــلك هالدهــر تـالفني
ولا ظل وحيــده بحيـــرتي عايفني
موجرح واحـد جرحيـن ... شِطرن دليلي نصين
عله المِحَــن كَلبي غُفــه ... خويــه ينبــع الوفــه
************
يأبن أمي حنيت وهمت بأحـلامي
وتــذكرت عـزي ودلال أيــــامي
ياهيبت أهلي ويالحِميت أخيــامي
اليوم أنه وحدي وحـايره بأيتـامي
أنطي الوجه خويه لوين ... من بعد فكَد الطيبين
لجروحي ما أضِن شـفه ... خويــه ينبــع الوفـه
************
ياخــويه وبتـــوت الكَلُب شي حِملن
يحســين من سـِـمعن مصـابك طكَن
وهروش عمـري منالنــوايب ذبــلن
من شافن سيوف أعله جثتك سجدن
دمك حفظ وجــه الديــن ... ياسبط سيد الكونين
ســـــل الغــــدر مرهُفـه ... خويـه ينبـع الوفـــه
************
ياحســـين باچر لليســـر راح أطلع
وأترك ياخويه أجسـادكم بالمصرع
لفـــراكَك أنيــــــــاط الكَلب تتـكَطع
هالحـــــاله ترجمها مســـيل المدمع
يأبن أمي عنك ماشــين ... باليسر يحدينه البين
والفـــرح غاب أوجفــه ... خويــه ينبــع الوفــه
***********
بقلم / سـعد مطلوب الخفاجي

[بالحسين اهتديت]

بسم الله الرحمن الرحيم
اللهم صلّ على محمد وآل محمد وعجل فرجهم والعن عدوهم
السلام عليك يامولاي يا أبا عبدالله ورحمة الله وبركاته
السلام عليك يا مولاي يا ابا الفضل العباس ورحمة الله وبركاته
طال وقفي عند أبياتك الأليمه وعاودني الحنين مرات عديده
فهنيئاً لك بجمراتك المتوقده
أعظم الله لكم الأجر بمصاب الحسين عليه السلام
و أسال الله أن يثبتنا واياكم على طريق الحسين عليه السلام
طالبة الرضا والشفاعة
يتيمتكم بالحسين اهتديت

وفي أمان الله

[حسون العراقي]

كلمات حزينه
بارك الله بك

[احزان كربلاء]

بسم الله الرحمن الرحيم
عظم الله اجورنا واجوركم
ورزقنا واياكم شفاعة ابي عبد الله عليه السلام
موفق اخي باذن الله لكم مني ارق التحيات
اختكم احزان كربلاء

[سعد مطلوب]

اختي الكريمه
بالحسين اهتديت
نورني مروركم المبارك خالص شكري وامتناني لاطرائكم
الرائع ووفقنا وايكم المولى العي القدير في خدمة سيد الشهداء (ع)
تمنياتي لكم بالموفقيه .

[سعد مطلوب]

الاخ الكريم
حسون العراق
عزيزي الغالي الروعه في مرورك المبارك واطرائك
الرائع تمنياتي لكم بالموفقيه .

[سعد مطلوب]

الاخت الكريمه
احزان كربلاء
الاهي امين والله يوفقنا واياكم في خدمة سيد الشهداء (ع)
خالص شكري وامتناني لمروركم الرائع تمنياتي لكم بالموفقيه .