نخدم الزاير نقدمله النحور

[ضيف]

لجل أبو الأحرار ---------------------------------------- نخدم الزوار

بلشريعه المنهجيه وبالأصول -------------- من درسناها فتهمناها شتكَول
بالنتيجه تخاطب أصحاب العقول ---------- حسين خدامه الكرام الزاهدين

خل يلومونه ويكون شما يكون ------------- حسين هيمنا وعشكَناه بجنون
اليوم نخدم زايره بكل الفنون ------------- نشرنا رايات المواكب خادمين

حملنا شارات الشرف فوكَ الصدور ---------- نخدم الزاير نقدمله النحور
كلنا خدامك يهل رايح تزور ------------ حسين يطلبنا وعلينا الخدمه دين

احنه خدامك يالتزور الطفوف ------------- ونلتمس منك اذا تدخل تطوف
كَبر ابو اليمه وزرت راعي الجفوف-------- وياك يا زاير سلام الخادمين

نخدمك يازاير بهاي الركَاب --------------- لا يهمك برد لا حر لا تراب
عيونا فراشك تغطيك الهداب ----------- فدوه لجدامك تره احنه مقصرين

بهاي خدمتنا يهل زاير نريد -------------- تطلب النا بجاه مقطوع الوريد
يوم نار الحاميه تريد المزيد -------------- هناك يحضرنا شفيع المذنبين

يالتزور حسين جيت اعلى القدم ------------- يالتحملت المصاعب والالم
تلكَه عباس الشهم راعي العلم -------------- الرايه بيمينه يتلكَه القاصدين

الرايه بيمينه كفيل العايله ------------------- يحيي زواره ويتاني القافله
بيها زينب أخته لوردت اله ---------------- يكَلها هذا انه يبنت الطيبين


ابوحسن الحسيني

[ابـــو زينب]

جزاك الله خير الجزاء وجعلها في ميزان حسناتك
وربي يحفظك تقبل مرور اخوك ابو زينب البصري

[المواليه البصراويه]

اللهم صل على محمد وآل محمد
خل يلومونه ويكون شما يكون ------ حسين هيمنا وعشكَناه بجنون
اليوم نخدم زايره بكل الفنون ------- نشرنا رايات المواكب خادمين

تقبل الله منكم يا خُدام ابيّ الضيم وسيد الشهـــداء عليه السلام

قصيده رائعه حقـــاً

تقبل مروري

أختكم

المُواليـــه البصراويـــه

[ضيف]

جزاك الله خير الجزاء وجعلها في ميزان حسناتك
وربي يحفظك تقبل مرور اخوك ابو زينب البصري

شكرا لك عزيزي ابن البصرة
تحياتي لك ولأهل البصرة
الابطال

[ضيف]

اللهم صل على محمد وآل محمد
خل يلومونه ويكون شما يكون ------ حسين هيمنا وعشكَناه بجنون
اليوم نخدم زايره بكل الفنون ------- نشرنا رايات المواكب خادمين

تقبل الله منكم يا خُدام ابيّ الضيم وسيد الشهـــداء عليه السلام

قصيده رائعه حقـــاً

تقبل مروري

أختكم

المُواليـــه البصراويـــه

تشرفت بمرورك المبارك اختي المواليه البصراويه
شكرا جزيلا على هذه البصمة الرائعة