تويت
اجه يطلب شهاده مو طلب للماي اجه للموت بيد احسين يتعنه
رضيع وشالته الغيره على ابو السجاد كَال انصر ابوي اليوم واتهنه
تفرفح بالمنيه ورهب حته الموت ورعب ذيج الطغاة الزحف تدنه
كلكم هاي كلكم عالحسين اليوم اجيت انصر امامي وعيب اتركنه
انه فدوه لامامي وسيدي ومولاي ابوي انطيه روحي وهاي مو منه
ولن ظا لم زنيم اقطع نزاع القوم لم كل المنايه بنبلته وسنه
واطلق حرمله نبلة حقد بالموت وفاضت روح عبد الله وشوصفنه
اذا نفسه الحسين انذهل لمن شاف من فرفح رضيعه بدمه وتحنه
ماجابه الحسين وماي يطلب بيه ولا امه الذهيله وكَطعت الضنه
كَامت ودته ليله بهضم ودموع ناصر سيد الاحرار يتجنه
ومن جابه الحسين ونحر وسط الكَوم خله الكَوم ترجف خوف بس منه
ذوله اولاد حيدر ماكو فرق بهاي واولاد الزجيه وسور للجنه
من ذلة اعداهم حته هالاطفال تدركه المنايه اتموت تتمنه
ومن عزة اطفال المصطفى المختار ركض للموت موش بمشي وتتونه
ومن كَد مادمه عبد الله غالي احسين رمه بي للسمه والحور لمنه
وملائكة السمه نزلت وتبجي ادموع ولطم عالراس مو عالصدر لطمنه
وكرامه لهالرضيع الفده بنحره احسين قطره من الدمه للكَاع مادنه
تعليق