ياكربله

[سعد مطلوب]

(( ياكربله ))

ياكربله رد الظعن ينشــد عله حســــــين ... وين الكَبُر وين
وين الكفيل أوجوده وي جفينه والرايه
************
كربله هاي أنه زينب جيت أنشـــدچ عن أخوتي
ريت رب الكـون كاتب وي أبو الســـــجاد موتي
أصرخ بلوعت مصابي بالحزن يرجعلي صوتي
بالنــوح والهم والألم ... رديت باطفـــال أوحرم
أنشد أعله الزم العلم ... شـــلون خـلاني بغُربتي
ورجعت من عُكب اليسر أصفج بلأيدين ... وين الكَبُر وين
وعيوني من طاح الولي لليــوم همايه
************
كـربله واليـــوم عوّد ليـــــچ ظعن الهاشـــــــميه
بالهظم والنـوح يصرخ وين كَبـر أبن الزجيــــه
رحنه عنه ميســـــــرينه أومانصبنـــاله عزيـــه
ظامي وطريح أعله الثره ... بسيوف جثته موذره
والراس ويانـــه ســــــره ... ينظر أفعال آل أميه
ردينـــه ننشــــد عالكَضوا نلطُم الخـديـن ... وين الكَبُر وين
وين ألبدور ألي حمت بســيوفها الثايه
************
كربـله وينـه التكَفل هالحـــرم دلينـــــــه وينــــه
عفتـه طايح بالمعـاره مكَطعه يســـــــاره ويمينه
وراســـه مصيوب أبعمـدهم والسـهم نابت بعينـه
عالمشرعه عفت الكَُمر ... متخضب أبـدم النحر
وبطيحته مســنا الخطر ... والكَلُب زايد ونينـــه
واليـــــوم أدور كافلي أصـــرخ يطيبيـن ... وين الكَبُر وين
والله بمُصيبت كربله ضيّعت ممشـــايه
************
كربـله وشـــــــــــلون وليـــه لمّن الظالم ولانـــه
شـــبو النـــــار بخيمنه عُكَب ما ذبحو حمـــــانه
أنوب بســــهام الشــــماته بلارحم عُكَبـه رمانـه
وجّـرت نيـران الكَلُب ... من شاهدتهم عالتُرب
لليســريحدونه الغُرب ... وسهم المثلث ســـبانه
والوســــن خالَفني وجفه مامر عله العين ... وين الكَبُر وين
والحزن والَفني ونشب نيبانه بحشايه
************
كربله وشــلون نرجع دونهم لارض الرســـــاله
شـَــــرد أجاوب للنشــــدني بيـاوجه أذكر الحاله
والظعن ياهو اليكفله من عُكَب راعي الكفـــــاله
منهو اليشــدّه المحمـلي ... وياهو اليباريلي هلي
من بعـد طيحـت كافـلي ... طاح دسـتور العداله
وتوجهت لارض الغـري لايبوالحســـنين ... وين الكَبُر وين
ضليت بويه بلا ولي بس حرم ويايه
************
بقلم / سـعد مطلوب الخفاجي

[ضيف]

قصيد راااااائعة
بارك الله بك

[سعد مطلوب]

عطر والورد
الروعه في مروركم المبارك خالص شكري
وامتناني تمنياتي لكم بالموفقيه .

[المستشاره]

كلام روعه
سلمت أناملك اخي القدير على ما قدمته لنا من كلمات
ملؤها الاحساس الرقيق
رزقكم الزيارة دوما وابدا
ممنونين
المستشارة

[شيعيه]

قصيده رائعه
شكرا لكم

[ضيف]

احسنت استاذي القدير
سعد مطلوب . ارجو قبول
مروري مع اطيب تحياتي
اخوك ابو حسن

[سعد مطلوب]

الاخت الكريمة
المستشاره
الروعه في مرورك الذي نور صفحتي خالص
شكري وامتناني تمنياتي لك بالموفقيه .

[سعد مطلوب]

الاخت الكريمه
شيعيه
اختي العزيزه نورني واسعدني مروركم خالص شكري وامتناني
لاطرائكم المبارك تمنياتي لكم بالموفقيه .

[سعد مطلوب]

استاذي الرائع
ابو حسن الحسيني
شاعرنا القديري شرفتني ياغالي بهذا المرور العطر خالص
شكري وامتناني تمنياتي لك بالموفقيه ياغالي .

[ضيف]

موفقين للخدمه شاعرنا