عالنهر طاح الكفلني

[ضيف]

عالنهر طاح الكفلني -------------- وعالنهر طاح العلم


وصابني الطاغي اعلى متني -------- من فزع جيشه وهجم


-----------------


عالنهر طاح الكفلني ------------- وعالنهر خدري انسلب


ومن بعد هيبة اخوتي ---------- بخوف أمشي ويه الغرب


وبعد ابو فاضل اعاين ------------- ما شفت غير النهب


-------


اسرونه من الطفوف -------------- بالرماح وبالسيوف


وراس اخوي حسين ساجد --------- عالرمح يشكي الهظم


------------------


عالنهر جيتك يخويه ------------- وردتك بعينك تشوف


ما خطرلي صواب عينك ---------- ما شفت كطع الجفوف


ما شفت جسمك توذر ------------ خويه ما بين السيوف


---------


شلون امشي بغربتي -------------- بغير والي بوحشتي


انته نايم عالشريعه ------------- وتمشي وياي الزلم


-------------


هامت اطفالك يخويه -------------- وبالسهول تشردت


من هجم جيش ال اميه ----------- ومن خيمنه تحركت


ومن بعد ماسلبونه ------------- ودار عزنه تفرهدت


------------


وكف زين العابدين -------------- ينظر شمال ويمين


من يشوف النار وصلت ------------ حتى لفراش ألألم


---------------


طفله تسعر نار بيها -------------- اوين تركظ حايره


شلون اطفيها وأردها ------------- الخيل هدت غايره


ركظت اعلى حسين شافت ---------- شمر يكطع منحره


-----------


ومن تلكاها الشمر ------------- بخوف شبكت عالنحر


نادت وصاحت يبويه ------------- النار تسعر بالهدم


-------------


طفل لآزم اخته بيده -------------- هايم وبالبر ينادي


وين عمي الكمر طايح --------- أرد اخبره أعلى الأعادي


كوم يا حامي الشريعه ------------ شتتو ظعنك يحادي


----------


كوم يابو المرجله ----------------- كوم رد العايله


كوم يا فخر العقيله -------------- كوم عباس الشهم

ابو حسن الحسيني

[ضيف]

تتدلى حُروفك لتُسْقِطْ عَلَى قُلُوبِنَا الوَجَع ..

آآآهـ يَا بِنْتَ المُرتَضَى ..

سَلامٌ عليك أيُّهَا الحُسيني وَتَبَاركت ..

[ضيف]

تتدلى حُروفك لتُسْقِطْ عَلَى قُلُوبِنَا الوَجَع ..

آآآهـ يَا بِنْتَ المُرتَضَى ..

سَلامٌ عليك أيُّهَا الحُسيني وَتَبَاركت ..

عليكم السلام
حياكم الله شكرا لكم على شعوركم الطيب