تويت
(( شيعه ورخصنا الدم ))
نتعنـه لزيـارتك يحســــين مانهتم
نكتب بوجه الوكت شيعه ورخصنا الدم
نسحگ عالمنايه ومانهاب الموت
وندري بهالطريق أخطار وملغم
لچن كل عام يبن الزهره نتعناك
ننطي شــــمانطينه وأبـد ماننــدم
تشـهد أربعينك يبن داحي البـاب
كل عـام اليمـرأفــواج نتقـدم
ندري أنذال من خُلفت بني سفيان
واويه وتصيد أبليها الأظلم
وندري تحالفت وي زمرة الشيطان
صارت للعماله وللحقد معلَم
يفجرنه النذل تهديد وده ... لچم جرح الكلب هنوب وده
وبشفرة حقـد يذبحنه وده ... كَل ظنه نعوف أبن الزجيه
************
منعوفك أبد يحســين لا والله
نتمنه الشهاده وليها نتعنه
يالحُبـك تِنقل بينه بلأصلاب
غذانـه الولايـه وبيـك أمنـه
نتحده الظلم والحقد والأرهاب
نروي بكل مسيره دروب من دمنه
قدمنه كواكب لجل أبو السجاد
كل كوكب يطيح أنزفه للجنه
مشايه الضريحك ندحرالطاغوت
نفرك كل خشم لو راد يرهبنه
ذوله أحنه ربات القلع ذيچ الباب
لليـوم الشــجاعه بعزنه تتچنه
صافي لليحب حسين دُرّه ... يظمن يم أبو الســجاد دُرّه
وبتـاج الولايه يصير دُرّه ... صكه موقعه حامي الحميه
************
بقلم/ سـعد مطلوب الخفاجي
نكتب بوجه الوكت شيعه ورخصنا الدم
نسحگ عالمنايه ومانهاب الموت
وندري بهالطريق أخطار وملغم
لچن كل عام يبن الزهره نتعناك
ننطي شــــمانطينه وأبـد ماننــدم
تشـهد أربعينك يبن داحي البـاب
كل عـام اليمـرأفــواج نتقـدم
ندري أنذال من خُلفت بني سفيان
واويه وتصيد أبليها الأظلم
وندري تحالفت وي زمرة الشيطان
صارت للعماله وللحقد معلَم
يفجرنه النذل تهديد وده ... لچم جرح الكلب هنوب وده
وبشفرة حقـد يذبحنه وده ... كَل ظنه نعوف أبن الزجيه
************
منعوفك أبد يحســين لا والله
نتمنه الشهاده وليها نتعنه
يالحُبـك تِنقل بينه بلأصلاب
غذانـه الولايـه وبيـك أمنـه
نتحده الظلم والحقد والأرهاب
نروي بكل مسيره دروب من دمنه
قدمنه كواكب لجل أبو السجاد
كل كوكب يطيح أنزفه للجنه
مشايه الضريحك ندحرالطاغوت
نفرك كل خشم لو راد يرهبنه
ذوله أحنه ربات القلع ذيچ الباب
لليـوم الشــجاعه بعزنه تتچنه
صافي لليحب حسين دُرّه ... يظمن يم أبو الســجاد دُرّه
وبتـاج الولايه يصير دُرّه ... صكه موقعه حامي الحميه
************
بقلم/ سـعد مطلوب الخفاجي
تعليق