تويت
تمر بيه صور مامرت بخاطر لاهي من كتاب ولا نظم شاعر
لا هي من المحنه ولا قلم شاكر ولاهي من سعيد ولافكر جابر
صور واروع صور خافيهه والظاهر انظرعلبعد حد شوف العيون
جرح ينزف شموخ الهل وكت حاضر وشاهد جبل بجفوف السلاسل
ودمع ينزل جمر حد مدمعه يكابر وشاهد عن قرب والكلب حاير
اشوف ا عيون ذبلانه ابمحاجر لجنهه خاوت اعيون الكواسر
واحس كلب الخدر تنور شاجر بيه الكون يفتر عكس داير
ويمر صوتي اعلى سمع الصوت هادر طوفان وكسح كل المعابر
هوتله اعروش واصروح ومنابر وجن حيدر علي هل ليله حاضر
اقتحم مجلس يزيد السيفه شاهر نطق نهج البلاغه وابوجه جائر
كبر صرخه بوجوه الضمائر كد كيدك يصيح ابصوت ثائر
امن العدل يبن الطلقاء اليوم تامر علينه وابجذب نصرك تفاخر
فوالله لن تمحو ذكرنا ابصوت الخناجر ولن تميت وحينا مهما تعافر
فأن القتل لنا عاده ولا تفاخر ما ايامك الا عدد واتزول المضاهر
عد اشما تعد هم تضل خاسر اشتريد اتكول لمن يجي باجر
لائن جدي الخصم اول واخر ويمه تنكشف كل الدفاتر
هايه زينب هاي بت حيدر علي هيجي تناضر اعرفتهه اجيوش ماتعرف مخاطر
وشاهد بيه قمه وقلاع وعساكر وأشوفنهه علم فوك السواتر
من صاح ابو اليمه وماكو ناصر موقفه اتضح واضح اوضاهر
امتداد احسين زينب يوم عاشر زينب مو دمع بس للنواضر
تره زينب طهر من ظهر طاهر
خادم اهل البيت السيد شاكر الحسيني
تعليق