وين أبو فاضل يكَوم الشدتي

[ضيف]

وين أبو فاضل يكَوم الشدتي ------------ وبيده ينطيني ويخلص حاجتي

وين أبو الغيره ---------------------------------------- جيتك بحيره

كلفه يا عباس صارت محنتي


دموعي بعيوني الك يتسابكَن --------- وروحي وي نفسي بألم يتشابكَن

كَوم ياراعي الشدايد والمحن ----------- هالمصايب فوكَ راسي ترادفن

والدمع يجري --------------------------------------- حيرني دهري

يخو زينب والله قلت حيلتي


بغيرتك معروف لمن تندب --------------- وتنهظم لوطالبك دمعه يصب

أبو فاضل انته كشاف الكرب ----------- وانه أعرفك ما تخيبلي الطلب


واعرف يعباس ------------------------------------- يا رفعة الراس


من اندبك بيدي اخذ طلبتي

خصصك باب الحوايج خالقك ------------ واليقصدك بس يشاهد رايتك

من بعيد اتكَله اطلب حاجتك ------------- وحق زينب انه اخلص شدتك

انه أبو الإحسان ---------------------------------- انه اخو العطشان


والي ينخاني أجيله برايتي

يالتريد الحاجه لا دمعك يسيل --------- عندي موقف للدمع يألمني حيل


دمع زينب يوم نادتني بعويل ------------ تصيح وينك يالكَلت انه الكفيل


الخيل هجمت يالكَمر ----------------------------- وانته طايح عالنهر


كَوم يا عباس نشف دمعتي

والنعم منك يغيث الخايفين --------------- يالي ما ترفظ طلب للطالبين


تارس اجفوفك كرم للسائلين ----------- يخو زينب ارد احلفك بالحسين


حاجتي التقضيها ------------------------------------- وللنبي توديها


كون خادمكم نهاية قصتي



ابو حسن الحسيني

[من نسل عبيدك احسبني ياحسين]

بغيرتك معروف لمن تندب---------------------وفقك الله---------------

[علي حسين الخباز]

سلمت والله

[نداء الكفيل]

قضى الله حوائجكم للدنيا والآخرة
تسلم الايادي وشكرا جزيلا لك

[مسلم المياحي]

تارس اجفوفك كرم للسائلين
........
السلام على العباس احسنتم ياشاعرنة المبدع