تويت
اللهم صل على محمد وال محمد
عندي عهد وياك- ما اقدر بلياك
للموت اخذني وياك- للموت اخذني وياك
+++++
شكد تظن قلبي- يبقة متحمل
ولا الك جية- ويبقة متامل
عالترب شفتك- بعيني متجندل
ولا بقت صحبة- ولا اهل تسال
بس دمع عقبك- للحزن ينهل
وادري دربي بعيد- وبالقهر يطول
+++++
بهالمسية حسين – راح من ايدية
وانهدم حيلي- والله رزية
+++++
جبتله الميمون- وتحدى المنية
وانة اقله هناك- للموت اخذني وياك
**********
شرد اقولن آه- اشيمر يا موقف
تدري بيه صار- جم جرح ينزف
خل اعدهم لك- اعرفك منصف
عيون الشمات- من بدت تلصف
وخوفي عالسجاد- والضعن ترجف
لو سياط القوم- عالمتن تهتف
+++++
لو باسم ابونة- من يسبونه
والله جان اهون- لو يموتنة
+++++
ما مثل هاليوم- صرت محزونة
بكل لحظة انعاك- للموت اخذني وياك
***********
من صرت وحدك- تذكرت امنا
شمة من صدرك- بيهة وصتنة
معاهدة لنحرك- وكون ابوسنة
والله لوبيدي- ما اعوفنه
ولاجن المكتوب- ما مفر منه
احنة عيلة دوم- الجتل اخرنة
+++++
قالت يا زينب- بذاك الموقف
نفذي وصيتي- راح اهو يعرف
++++++
هاية من فاطم- وصلت امانة
لجن انة اترجاك- للموت اخذني وياك
*******
هاي الرباب تريد- ترضع ابنها
بس شربت الماي- ودر لبنها
والله محتارة - شلون افهمنها
راحت تموت إعلي- من قد حزنها
انة صرت بيا حال- وما الومنها
ولا قدرت اسكت – كون اصبرنها
+++++
هسة عرفت جدي- إلمن ذخرني
لمثل هذا اليوم- بصبر سلحني
+++++
وتذكرتنا زغار- وذيج المحنة
بذاك العهد انخاك- للموت اخذني وياك
***********
وينة اخوي العباس- وينة الكفلني
شلون هنت عليه- أوحدي تركني
ارد انشدك عليه- يلله خبرني
بلكت إعلي ترد - فقده رعبني
وهاي سكينة هنا- بعمها سبتني
تگول العطش عمة- والله موتني
++++++
كالولي العباس- مگطعة چفوفه
على المشرعة طاح- ومكدر اشوفه
+++++
معقوله هذا یصیر- وهم تخليني
كفيلي ظل هناك- للموت اخذني وياك
ليث سامي
بلجيكا 5-2-2011