الزهراء والمهدي ع

[آمال يوسف]

يالمهدي اسمك معنى وفكره
يحمل مضمون اكبر ثوره
تصرخ اهات .. يالمهدي
تطلب ثارات ... يالمهدي
ثار المحسن ..واه الزهره
ودم عبدالله الكطعوا نحره

******************

ودعنه النبي وجينه وداع العين للعبـــــــــــــره
وردت بضعته بلا روح جسد الوداع هد امره
تعاين كل زوايه الدار دموع وكل كتر ذكــــــره
مصايب بجت الافلاك يعينج ربي يالزهــــــــــره
ناح الليل ودمع نجومه
اعله خدوده بفكدج مرسومه

ترضاهه شلون ..يالمهدي
البت خير الكون .. يالمهدي

*****************************

انه امك ياراعي الثار جيتك حالتي اشكيهـــــــــــه
دموعي تسولف اعله الصار وضلعي القصه يرويهه
من دار الوكت الكلوب كشفت عن مخافيــــــــــــهه
وعيني تلوذ صوب الباب يبني اتسترت بيــــــــــــــهه
داسو دار الهادي ونوره
شلون اشرحلك يبني الصوره

رادوا هالصوت ..يالمهدي
يسكت ويموت .. يالمهدي

***********************************

كعبه ودار بيه الفيل كسَر صدري وضلوعـــــــــــــي
صرخت بعدك يبويه انهان وبعدك يجرن ادموعي
وينك ياعلي الكرار يتيمه وطفوا شموعــــــــــــــــــــــي
يكلي مجتفيني الكوم وكطعوا سجة ارجوعـــــــــــــــي
لامت حيدر لامت صبره
حكم الباري يكلهه وامره

نصبر عالكوم ..يالزهره
ونتاني اليوم ..يالزهره

**********************************

كلي بيا ذنب حضني ايتيتم من هوى المحســـــــــــــــــــــــن
طاح وصارت التربان حضن وجفوف اله ومسكـــــــــــــن
غسلتًه بدموع العين بجروحي المحسن اتكفـــــــــــــــــــــن
بين ضلوعي والبسمار حياته وموته والمدفــــــــــــــــــــــن
من طاح المحسن جن روحه
طافت بحسين وي جروحه

نحر المحسن .. يالمهدي
اعله حسين ايون ..يالمهدي

**************************************

يابني والنعش من سار بليل مغبره نجومــــــــــــــــــــــه
ودمعه بلا جفن تنسال تنوح بروح مالومــــــــــــــــــــه
بس ونة غريب هناك يون اونته مكتومـــــــــــــــــــــــه
واعاين زينب وايتام وذبيح مسلبه هدومــــــــــــــــــــــه
زينب تصرخ وينج يمه
بعدج كم جرح وكم لجمه

طبرة حيدر..يالمهدي
وكطع المنحر..يالمهدي


__________________________________________
حسين زايد البديري
_____________________________________________

منقوووووووووووول