تويت
آه يا عراق
أريد ابدي أباسم ربـــــــــي الخلق والراد....... صاغ البشـــــــــــر كلة بحفنة اترابي
لحم يكسي عظم من طين كبـــــــله أرماد....... عظم آيات ربي وفعلة إعجابـــــــــــي
ومن اتمم الخلقــــة شـــــوصه هل العباد....... كالالة بمـــــــــــــــــحمد واله وكتابي
وتدري القاعدة ما تخله من كل شــــــــاد....... لن شـــــــيطان يصرخ وين أصحابي
من هذا الخلق نفســــــــــــــه يريد أحفاد....... صدك كله تأمر طلــــــــــــــــع وهابي
ما رايد نصيحة كل منافق ضـــــــــــــــاد....... لان الجذب صدكة وصدكـــــــة جذابي
ما رجف أمريكا ولا فتح الأصــــــــــــفاد....... حضرته جاب عبوة وزرع يم بابـــــي
ما ناهليه منكر ما أمر بإرشــــــــــــــــاد....... ســــــــحك وادي المقدس هدم اكبابي
ولا طيح صنم من قاعدة موســـــــــــــاد....... طلعت مســــــــتحبة أو واجبة إركابي
أو غلس عالخلاعة العد ثمـــــود أو عاد....... يحرك مــسلمة أو يشكل على أحجابي
وأحجم عن رعاة الضــــــــــــيم بالإلحاد....... من هدت غنمــهة بأرضي أو أعشابي
ما رايد لعبــــتك قنبلــــــــــــــــة وأعواد....... وتجر أبطفلي هاك ادنة للــــــــــــعابي
وما رايد صـــــــــــــــــلاتك منبر الإلحاد....... ولا رايد تفخخ ركن محـــــــــــــــرابي
ولا رايــــــــــــــــــد عملتك ظاهرا أوراد....... تخدر الداني منـــــــــــها بلحن فارابي
وما رايـــــــــد تكلي أطيع لو بعنـــــــــاد....... ولو انة ارفضــــــــــت هددت برعابي
وما رايـــــــــــد فدك يســـلبهة كلمن راد....... احرم عالارض كل عظم إرهابـــــــــي
وما أعشـــــــــــــك مدارس تلعن الإفراد....... ولا رايد تغير فــــــــــــــــــــكر طلابي
أنة التاريخ عندي من القدم بإشــــــــهاد....... مو تايه عمة وتكـــــــــــــــلي إعرابي
آنة ابن العراق وأنت جيت إيفـــــــــــــاد....... تاليها تشك بعرقي وأصـــــــــــــــلابي
شيعي أنة و موالي ورافضي وشما راد....... ترس كلبي فــــــــخر من اذكر اللقابي
نوح ألنام بأرضي وأنبياء اســـــــــــــعاد....... وأبو الحســــنين بيها وأقدس أعتابي
أعاظم قدمت لجل العقيدة أنجـــــــــــــــاد........ من صـــــدر أو حكيم أو اعز أحبابي
صفين وحنين ونهر وان أنعــــــــــــــــاد........ دم يكطر الــــسيف أو يصرخ اكرابي
لجل الدين حيدر انســــــــــــــحب وانقاد........ حفظ صوم أو صلاة ابوكــــــت لهابي
ساكت ذو الفقار ألي صـــــــــنع الأمجاد........ كال اليوم اضطر اكســــــــــــر أنيابي
بس موللابد يا معشـــــــــــــــــــر العُباد........ يجي المهدي أو يرجع صولـة أحقابي
يوسف بالسجن لاكن ســـــــــكن الأكباد........ رسم حب أو تســــــامح والبـلد ضابي
حضنت انة الوطن حضن الأحباب إبعاد ....... ورددت اللحن من لحنة ألشابـــــــــــي
ها يعراق جا كل المضـــــــــــــى ما فاد ....... وكل الأعراب نكرت ســــلتي وأعنابي
أرضك هي أمي والســــــــــــما الأجداد ....... ومن دجلة أو فرات بنــــصهن إنجابي
أجنوبك والوســــــــــــط أو لمة الأكراد ....... وعلى جســــــر الأئمة تبجي مشخابي
اغتيالات اوذبح لوعر ســــــــــت بغداد ....... لو لفرات جاي الدجلـــــــــــــة خطابي
كالالي انتخب افرشلك انة اوســــــــــاد ....... ولمن فاز صـــــــــــــــاح النفط أتعابي
مو بـــــــــــس هاي لا رايد بعد يصطاد ....... كال أو هيئتي أو حزبي أو أذنابــــــــي
يظل كل الحنان بجيد أُمي اكـــــــــــــلاد ....... وأضل غيرة وشيم وصــــلت الاهدابي
الشاعر عباس العجرش
2009/10/25
تعليق