تويت
أحببت أخوتي وأخواتي ان أنقل لكم
قصيدة لاتسافر
للحاج ملا باسم الكربلائي
اتمنى ان تنال أستحسانكم
لا تســــــافر
**********
لا تسافر روحي عندك روحي عندك لا تسافر
لا تكابر لا يا جرحي لا ياجرحي لا تكابر
يا قلب يهجر خليله
يا أبو يترك عليله
لا تسافر
**********
وياك اخذني أضوي بدروبك شمع
أنا العــليلة وبغيابـك انفجـع
أقسم عليك بفاطمة و كسر الضلع
لا لا تخليني غريبة و بالدمع
يا بويه تدري بحالتي و هجرك صعب
خوفي عليك من الغدر بارض الغرب
اشعر يا بويه الكاتبوا رادو حـــــرب
و اشعر ضمايرهم عليكم تنـقـلب
يا ضماير
**********
يا بويـه تدري محبتـك ويه النبـــض
كلمة وداعك مو سهــل من تلفــظ
وياك اخذني مو بشت حتى الأرض
افرش لك مصلايتك وقت الفرض
لا تمشي وتخلي دمع عيني يهل
يا والدي و ليل الهجر ما ينحمل
خليني وياكم أهز مهد الطفـــــل
يا بو الوفه وجرح المشاعر مو سهل
بالمشاعر
**********
يا بويه وعيونك تراويني صور
كل صوره اشوفك بيها مقطوع النحر
يا بويه ارحم حالتي وأجل السفر
بعيونـك أنظـر عمي يـوقع عالنـهـر
وحدك تظل من ينصرع راعي العلم
و تعايــن ازنوده وتصيـح مـن الألـم
ما تغمـض العـين النبت بيها السهـم
و زينب تـشـوفك من تـعاود للخـيـم
وانت حاير
**********
يا بويه لو تمشي بعد ما اظن ترد
اِنت الهوى وعنـك بعـد ما أبتـعـد
واشلـون المثـلث اذا ضــر الكبـد
يا حيرة الحيره على اخيامك تصد
ما أحمل افراقك يا من شوفك دوى
عطشانه أبقى يا للي قلبك ما روى
خل صدرك و صدري يسحقوهن سوى
وياك اصيحن لو وقع راعي اللوى
ما كو ناصر
**********
يا بويه لا تخليني وحدي مروتـــك
لو أمشي وياكم واقوم بخدمتك
يا بويه ترضى شلون تترك طفلتك
تقبل أموت بحسرتي من فرقتك
يا بويه من بعدك أعيش بيا أمل
يا بويه من يرحم عليله بلا أهل
و الله يا بو الاكبر ترى جسمي نحل
و اعرف اذا ترحل يوافيني الأجل
ابقى ذاكر
**********
وياك اسافر بويه لو ترجع الـــــــي
يا بويه ما اقدر على فرقة علــــي
يا ويلي من وحشة صوركم يا هلي
يا ويلي من جرح الشماتة و عاذلي
ودعتك الله يا جرح فـوق الجـــرح
يا بويه كل نظرة حزن طعنة رمح
أتمنى لو شوفت علي الأكبر تصح
يا بويه و دموع اليتم مــا تـنمسـح
ما لي خاطر
**********
لا تسافر روحي عندك روحي عندك لا تسافر
لا تكابر لا ياجرحي لا يا جرحي لا تكابر
يا قلب يهجر خليله
يا أبو يترك عليله
لا تسافر
**********
.gif)
تعليق