تويت
(( صرخت الامين))
صرخه بالكون أعتلت من الأمين .... طايح بهـاليــــوم أتقــــــه المتقيـــــن
************
نـــاده جبريل بألم هـزه للكـــون .... أنصاب ركن الدين والچان اله عـون
هـذا حامي الجار يالبيه تحتمـون .... أنطبر بالمحــراب وبسيــف اللعيـــن
************
أنطبر بالمحراب راعي الموزمه.... راســــه وي شيبـــه تخضب بالدمـــه
ناده أبو الحسنين هاي الخاتمــــه.... فـــزت بالجنـــــه وحگ ربي بيقيــن
************
ضجت الأمـلاك تنعى للأميـــر ... طاح بالمحــراب أبــــن عــم البشـــــير
ونهـدم نهج النبي وناح الضمير ... والعـــــدل هاليــــوم ضــل بلا معيــــن
************
بــلا مُعين اليــوم أيتامــــه تنـوح ... ياهــو يحميــــه وبعــــــد ألمن تــروح
أتجـددت ألامها وكل الجـــــروح ... بعــــد ما فگــــدت حماهــــا والأميــن
************
سيدي مصاب الحسن أعظم مُصاب ... بيوم شافك طايح وراســـك أنصاب
ينادي يـا مــولاي رد لي الجــــواب ... ونصدع كَلب العقيلــــه ويالحُســين
************
ويالحُســين أنصاب شــيال الـــوه ... نـاح كَلبـــه عليك مصيـوب أنچـــــوه
من نظر هامـك يمــــولاي هــــوه ... للأرض ينعــاك يــاأبـو الحســــــنين
************
ياأبو الحســـنين ياحامي الدخيــل ... عنـــك الحگ أبــــد ما لحظــه يميـل
حيــدر لكُل معضلــه هوا الدليــل ... أنشــــــــــد الخطاب بيمــن يستعيــن
************
أنت سيف الله بارينـــــه الصمد ... يـلي صـــولاتك أبـــد ماحــــده حـــــد
تجفل الفرسان لـو سيفك صعــد ... شـــلون أبن ملجم يطــر ليك الجبيــن
*************
بقلم / سعد مطلوب الخفاجي
تعليق