أبوذيات .ولائية

[آمال يوسف]

ابوذيات
ـــــــــــــــــ
يغالي ما تهــــيد الــروح ..بعداك
تون والجــرح يأكل جرح..بعداك
كـل شيعي إيتنطر گـــرب..بعداك
يبن المــرتضى وروح الـزچيه .
ــــــــــــــــــ
وحگ طه وعلي الكـــرار ..ماهاد
الجرح منك يعــــز الناس ..ماهـاد
اشتظن النوح عندي يهــيد..ماهاد
فلذ جـــــــبدي الطعني اشلون بيه
ــــــــــــــــــ
الچــبد بيـــدك طعــنتـه..ويلي. منه
و بعــد مابيـه أشـــلـه..ويلي .منه
الدهر لو دار خــويـه..ويلي .مـنه
ضربته اتوســـد اتراب الـــــوطيه .
ـــــــــــــــــ
وحگ ضلع الصـدوقه .ماعداني
الحســــــــين وأل بيته .ماعداني
أحــــب كل اليحـــــبهم .ماعداني
الحسن والمرتضى وسيد البريه
ـــــــــــــــــــــــــــــــــ
وحگ نورابو الزهرة ..ماعداني
وآنا زينب الكـــــبرى ..ماعداني
امصاب الضلـع سلني ..ماعداني
صاب اضلـوعي ورداني الوطيه
ـــــــــــــــــــــ
نسالكم الدعاء
بقلم
الشاعرابومهندالنجفي

[عبدٌ لفاطمة]

احسنت طيب الله انفاسكم كلمات جميله