إعـــــــلان

تقليص
لا يوجد إعلان حتى الآن.

ياجنح يحملني وبروحي يطير,,وفوگ وادي النجف هالحظه اصير

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • ياجنح يحملني وبروحي يطير,,وفوگ وادي النجف هالحظه اصير

    بسم الله الرحمن الرحيم،،
    اللهم صل على محمد وآل محمد وعجل فرجهم وأهلك أعدائهم،،
    السلام عليكِ يا حبيب قلبي يا علي،، السلام عليكِ يا ضياء دربي يا زهراء،،
    السلام عليكم يا أحباب الامام علي ،
    السلام عليكم ورحمة الله وبركاته،،
    اخوتي واخواتي الافاضل ,,
    بارك الله في الجميع ,,
    ..........................................
    ياجنح يحملني وبروحي يطير = وفوگ وادي النجف هالحظه اصير
    وگبل مايوصل على سوگ الچبير= ايذبني بالميدان ويخليني
    ,,,,,,,,,,,,,,,,,,,
    ايذبني بالميدان وبگلبي اليرف= والعلي مو مشي ازحفله زحف
    على اركبي وخلي ياخذني النزف = ومن اطب الحضرته ايداويني
    ,,,,,,
    سيدعدنان الحمامي
    ,,,,,,,,,,,,,,,,,,,,,,,,,,,,,,,
    من أطب الحضرته بگلبي حنين=اشبگ الشباچ ونحب بالونين
    آه آه ياســـــيدي ياروح الامين=إمــــروتك يانور عيني احميني
    ...
    حميني موبيدي صرت عنك بعيد =انت اضلوعي واحبال الوريد
    ياعلي ارجالك ماابقى وحيد =آه رتي يمك اتوسـد وتغمض عيني
    ,,,
    يمك النومه يحـــــــماي الدخيل =تسوه الدنيا يالمالك مثيل
    يانسيم الروح يمطيب العـــــليل=لا,مااظن تتعـــــذر اوتجفيني
    ,,,,,
    الحاج ابومهند سحاب السلامي النجفي
    ,,,,,,,,,,,,,,,,,,,,,,
    يا علي بحماك طمعانه البشر=وبالشدد تنخاك يا فارس مضر
    يل كلامك كله احكام ودرر=ويلي حـــبك منبعه ايرويني
    ________________
    كحل لعيوني غده اتراب النجف=ارض طيبه وبيهه بارينه لطف
    ومرقد الكرار زادلهه شـرف = يا الهي بحق علي تهديني
    ,,,,,
    عمار جبار خضير
    ,,,,,,,,,,,,,,,,,
    آه هنــيـــــاله التمــــدد والغفا=بين كبة حـــيدر وصافي صفا
    اهناك جنه اهناك طيب المصطفى=اهناك حـور امزوّكه اتلاكيني
    ,,,,,,,,,,,,,,,
    آه اتمنى يعاضـــــدني الزمن =وانكلب فجأه حمامه وبالصحن
    امشي يم زوار ابو حسين وحسن=ولكطة اشعيرالصحن تكفيني
    .,,,,,,,,,,,,,,
    آه كون الله ويحولني نسـيم =وكون اظل افترعلى كبة القسيم
    اهناك اصيراسموم يم كلمن خصيم=وللموالي اعذيبي غض تلكيني
    ,,,,,,
    الدكتور كاظم المعقلي
    ,,,,,,,,,,,,,,,,,,,,,,,,,,,,,,,,,,
    حضرته شوفتها بلسم للجروح=تجلي همي والحزن مني يروح
    اي وحگ آدم ضجيعه الويه نوح=ابشده لوطايح علي اينجيني
    --,,,,,,,,,,,
    ابشده لوطايح اروح الگبته=واگعد احچ اوياه اشعندي بعتبته
    لوگلتله محب جاي ابحاجته=گبل مـــــــا اطلب علي ينطيني
    ,,,,,
    سيد عدنان الحمامي
    ,,,,,,,,,,,,,,,,,,,,,,,,,,,,,,
    اني اتمنى مثل حجي سحاب = كون اوصل للصحن ومسح الباب
    وخدم الزوار وكنس بالتراب = حتى ميفارگها ابدن عيني
    ===
    حتى تبگه اتشوفه عيني اعله الدوام =يقضه هوه اگبالها لو بالمنام
    هذا ابو الحسنين ياخير الانام =يلي كل نظــــره اله تشفيني

    ملا كاظم الخفاجي
    ====
    همي واهموم الحبايب تنجلي =لوزيرتنه مــــره مــره يالولي
    حبنه مجنون برضاكم ياعلي =ورضا الخالق يابعد ضي عيني
    ===
    يخوتي بالملتقى فرحة الروح =هاي جمعتكم تطيبلي الجروح
    ملا كاظم وابومحمد ياسموح=ولاستثني من خوتي الحبوني

    الحاج ابومهندسحاب السلامي النجفي
    ===
    اليوم اجيتك يا امير المؤمنين= تنزف دموعي دمة مثل الجنين
    جيت احلفك واقسم بذاك الحسين= انا مـا عندي عمل تدرينـــي
    ===
    انا ماعندي عمل وانته الجفيل= وانتة يابوحسين حماي الدخيل
    لا تخليني تره حملي ثجيـل= منهو غيرك يـــــاعلي يشكيني

    مرتضى الشيخ راضي الدراجي
    ====
    أمي من ولدتني صرخت ياعلي=وبذكـر اسمك اهمومي تنجلي
    حبك الطاهرصبح لي منهلي=علي يالحبك عذب عـذب يـرويـني

    ابن الجبيلي
    ====
    ياعلي وكل هم ابزودك ينجلي=وتبقه اخر نفس بينه انته الولي
    واحنه وي كل شده نندب ياعلي=صار حبك كل هواي وديني
    =====
    حبك ابگلبي ترعرع واستقر=ياابو الحملات يافارس مظر
    خاب من عاداك ياخير البشر=اهناك اريك سيدي اتباريني

    ابو المرتضى علي البهادلي
    ======
    يا علي أبابك أنه أتعنه دخيـــل =وما ألي غيرك يبو الحملة سبيل
    أنته شيال الحمل لمـــــن يمل =ومــــــــن أمد أيدي ألك تنطيني

    =====
    بيك ألوذن بالشدايد والمحــــــن =ومنهو غيرك غايتي يا بالحسن
    الكل موالي مرقدك صاير وطن =وأني من شعبك أجيتك معتني

    =====
    الاديب حيدرحرگاني



    نسالكم الدعاء
    آنِي آرَيدُ آمَنْا َيَا آبَنْ فَاطِمَةَ ... مُسْتمَسِگـاً بِيَدَي مَنْ طارَقِِ آلزَِمَنِ ِ

  • #2
    السلام على شجرة التقوى
    شعر جميل جدا شكرا
    للاخت الفاضلة على هذا الشعر

    تعليق


    • #3
      ,,,,,,,,,,,,,,,
      آه اتمنى يعاضـــــدني الزمن =وانكلب فجأه حمامه وبالصحن
      امشي يم زوار ابو حسين وحسن=ولكطة اشعيرالصحن تكفيني


      موفق اخي الكريم وبارك الله فيكم ورزقنا واياكم شفاعة ابو الحسن علي عليه السلام

      تعليق


      • #4
        ااااااااه اااااااه من هالكلمات
        برؤية انوارك يجبر كسري وبشم عطرك يلتئم جرحي وبلقاء روحك تسري روحي بجسدي ، فمتى سابقى جسدا بلا روح!! فمتى تسقيني بيديك دوائي!! فمتى فالفراق اعماني وكسر حيلتي!! فمتى يامولاي ياابا تراب فمتى يامولاي ياابا السجاد!!!!!

        تعليق


        • #5
          الأخت الفاضلة فاطمة يوسف:

          جميل، والأجمل هو تفاعلكم مع الشعر الشعبي العراقي، فالمعلوم أن لكل بلد مفرداته وأساليبه التي
          يستخدمها شعراؤه في تناولهم للمواضيع؛ ولكن رغم ذلك أعتقد ان الرابط هنا وهو حب آل البيت
          (عليهم السلام) جعل الشعراء يستخدمون ينطلقون في فضاءات الولاء والخدمة، ليسمعوا الجميع
          ما ملأ قلوبهم من مشاعر فاضت قصائداً..

          دمتم بخير وعافية.

          تعليق


          • #6
            ولهان وبعـــــــيوني الدمع مالحظه جف ,, و مادري في صدري القلــــب لو بالنـــــــجف




            ونيت ولو بالـــــــــونه دلالي انسف ,, في حب علـــــــــي ما اعرف بموتي الأســــــــف



            أنا اللي كل ما زادو جـــــروحه اعترف ,, ما انزف دموم أنزف بحيـــــــدر شـــــــــــــرف



            مكتوب أنا بعيوني عـلي وماتنجبر عيوني ,, خلوني أذوب بعشقه وأشوف الأذى خلـــــوني



            من أول اجروحــــي لآخر كل عــــــذاب ,, والله العظيم أشـــــــتاق لك يابو تــــــــــراب



            استــــشعر الدنيا بلياك إغتـــراب ,, ولولاك أظن حتى الأمــــــــــــل أصبح ســــــــــراب



            متعـــــــــــلق بجرحك أنا و احـساسي ذاب ,, ماسكني من قلبــــــــي بألم هذا المصاب



            ماتسوى العيشه ياحـــــــــيدر وماتلزمني ,, لاتحرمني من الدمعــــه في ذكرك لاتحرمني


            بصوت الشيخ حسين الأكرف
            sigpic

            تعليق


            • #7

              بارك الله فيكم لمروركم وثبتنا الله وإياكم

              على حب وولا ية أمير المؤمنين

              رزقنا الله واياكم في الدنيا زيارتهم

              وفي الآخرةشفاعتهم


              نسألكم الدعاء
              آنِي آرَيدُ آمَنْا َيَا آبَنْ فَاطِمَةَ ... مُسْتمَسِگـاً بِيَدَي مَنْ طارَقِِ آلزَِمَنِ ِ

              تعليق


              • #8

                ياعلي بهل الدنيا ما غيرك اريد .... ساكن بروحي وتجري وي الوريد
                غير حب ياعلي ماظن يفيد .... ومن شراب الكوثر اترويني

                ياعلي الينخاك ما ظنه يخيب ... لان جرح البيه بس يمك يطيب
                انت غاية مطلبي وانت الحبيب ... درع صاير حبك ويحميني

                بقــــــــــلم ..... السهـــــــــــــــــــــــــلانـــــي

                تعليق


                • #9
                  بارك الله بك غالتي
                  وسلمت أناملك
                  فاطمة يوسف

                  وجعلنا وأياكم من الموالين والناصرين لأهل البيت عليهم السلام


                  ياعلي بهل الدنيا ما غيرك اريد .... ساكن بروحي وتجري وي الوريد
                  غير حب ياعلي ماظن يفيد .... ومن شراب الكوثر اترويني

                  ياعلي الينخاك ما ظنه يخيب ... لان جرح البيه بس يمك يطيب
                  انت غاية مطلبي وانت الحبيب ... درع صاير حبك ويحميني

                  بقــــــــــلم ..... السهـــــــــــــــــــــــــلانـــــي

                  هذا ما عهدناه من قلمك الولائي
                  أخي المحترم
                  أتمنى لك
                  التألق والتميز فى أبداعاتك

                  بارك الله بك وجزاك الفردوس الاعلى


                  sigpic

                  تعليق


                  • #10
                    اللَّهُمَّ صلِّ عَلَى مُحًمَّدٍ وآلِ مُحَمَّدٍ وَعَجِِّلْ فَرَجَهُمْ

                    ~.*.~ (
                    السهلاني
                    .. أم حيدر )~.*.~ المحترمين
                    أشكر كم على مروركم الطيب واضافتكم الرائعه

                    دمتم بألف بخير
                    إن شاء الله

                    آنِي آرَيدُ آمَنْا َيَا آبَنْ فَاطِمَةَ ... مُسْتمَسِگـاً بِيَدَي مَنْ طارَقِِ آلزَِمَنِ ِ

                    تعليق

                    يعمل...
                    X