غلـــط زينب تنلفـظ هـــيج بلسـان

[ضيف]

غلــــط زينب تنـلفظ هيــج ابلســـان
وبلفـــظهــا اســتغـفرت ربي آنة
واجــب الــيذكرها يتـــــــوضة ابدمــوع
ويســـتحب يلــبس حجــاب لســــــانه
كووون من تذكـــــرها تتراجف خــشوع
مثـــلما يخـــشــــع بلال آذانــه
هاي بت قــــــــرآن ناطــــق بت شـريف
ماهي بت افـــلان ابن فـــلانة
القصــــيدة التـدخل ابطـف كربـــلاء
كوون توكــــف بالشمـــس عـطشــانة
زحمــة توكـــف قافيـــة ابشــفتهة ماي
كبــــال ســكنة البالعــطش ذبــلانة
القـــلم لو راح بدروب الفــــرات
خل يعــيش المعــركة ابوجدانه
لا يرد صـــوب الخيم وجــفــوفة بي
لو يكــصهن لو يضل بمـجـانه
ولو يضل بمجانه لا زينب يكول
اخــطر امجــان لذكــرها هنانة
هنانة كافلــهة وذا زينب تصـــيح
جــفوفــة تبــقة تعـاين الذرعانه
الشعــــــرمن ينكتــب بس عالحسيــن
خــالص لوجه الله يرفع شــانه
تلكى حتى ابيــاته مسلــوبة الرداء
وترتفـع فـوك الرماح اوزانه
تشتم ابكل صـــورة دخان الخيام
وللسمـة تطك لو صعـد دخانه
وحــدة الموضــوع ما ثبتت معاي
شعـري عن زينب دخل عنوانه
وحـدة الموضــــوع وينك يلكفـــيل
وين اجمــعه ومحتــرك صيوانه
صعّــدت جلماتي عالهزّل زغار
ازغار بس حسراتهن كبــرانه
وبثكــل حســراتهن جان السؤال
نمشــي وين وعــمنة ماهو ويانة؟
الطبــع ديوان عن طـف كــربلاء
خــله يحـــذف كلمة من عنــوانه
كلمة الديــوان خل يحــذفهة دوم
حتى لا زينب لا تطــب ديوانه

[عطر الكفيل]

شكرا لك على هذه الكلمات الرائعة


وفقك الله لخدمة اهل البيت وجعلهم الله شفعاءك يوم القيامة

[عطر الكفيل]

شكرا لك على هذه الكلمات الرائعة


وفقك الله لخدمة اهل البيت وجعلهم الله شفعاءك يوم القيامة

[خادم العتره]

وفقك الله اخي الفاضل
وعطر الله انفاسك وبارك الله لك في قلمك
وجعلك الله من خدمة اهل البيت عليهم السلام

[ضيف]

عاشت الايادي

[ضيف]

شكرا لك على هذه الكلمات الرائعة


وفقك الله لخدمة اهل البيت وجعلهم الله شفعاءك يوم القيامة

شكرا جزيلا للمرور الطيب

[ضيف]

وفقك الله اخي الفاضل
وعطر الله انفاسك وبارك الله لك في قلمك
وجعلك الله من خدمة اهل البيت عليهم السلام

شكرا جزيلا للمرور الرائع
تحياتي