حماي الظعن

[سعد مطلوب]

(( حماي الظعن ))


عبــاس عبــاس للحومه نـــزل ... عباس عباس وبسيفه الاجل
لملم أبچفـــه الوســــــــيعه ... بالغصُب كَامت تطيعه
عباس عباس وبسيفه الاجل

************
عباس ضنوة حيـدره بي يزهِر الكون
وبســدّه ينزال الخطر كل نايبه أتهون
موصوف راعي الكنطره منـّه يهابون
يكلوبهـا حومة كربله ويســــر العيون
معروف عباس يجلي كل مِحن ... وبچفـه لوراد ينـدار الزمن
ذلل أركاب الخــديعه ... بالغصُب كَامت تطيعه
عبــاس عبــاس للحومه نـــزل
************

يـوم النزل للمعــــركه ســـوّه العجايب
خــلاهـا خيــل أوي الزلم بالهم تراقب
يتبختـر أبهمـه أوعـــزم ولهـم يخـاطب
أكلُب الطف أبيمنتي وَفنـي الكتـــــايب
تتحجل الخيـــــــل من دم العده ... أفنيها هاليوم كل أهل الرده
هدّم أحصون المنيعه ... بالغصُب كَامت تطيعه
عبــاس عبــاس للحومه نـــزل

************

ذب الجنح فوگ الجنح بيهـا غده يجول
جاب اليسار أعله الكَلُب راجل أومحمول
ظلّت الكوم محيره ماتـدري شــتكول
أوسيفه صفـه دورالفلك يحصدها بالطول

والراس بالراس خلاها تدك ... ماتدري عباس لوحيدر تشك
نزّل أعليهم فجيعه ... بالغصُب كَامت تطيعه
عبــاس عبــاس للحومه نـــزل

************

يلي أحملت هيبة علي أويالعِـدت خيبـــر
ذاك الجمع يابو الفضل بيـدك تطشــــّر

والموت لوصـاح أونده ســـيفك اليحضر
مبخوت كل واحد سـلم من عنـــدك أوفر
صاحت تره أعداك من الله الستر ... متشتته البال ومضيعه الفكر
طاحت أبسيفه صريعه ... بالغصُب كَامت تطيعه
عبــاس عبــاس للحومه نـــزل

************

أبزود أوفخر طب للنهر رغماً عله أعداه
وتحدّه جيش أهل الكفـر من ثبـّت الواه
طي الســجل سوّه النهر وبجوده خـلاه
كَبل أبو اليمه ماشـرب لاسَــكَّن أضماه
ويخاطب الروح هوني أعله الظمه ... بعد أبو السجاد ضنوة فاطمه
ملك بچفوفه الشريعه ... بالغصُب كَامت تطيعه
عبــاس عبــاس للحومه نـــزل

************

رد للخيـم راعــــي الهمـم گام أيتچنـّــــه
أنـــه أبن فـارس بـدر والحـروب فنـّــــه
غـاره بأثر غـاره يشـن بيهـــــا أيتثنـّــه
نـار الغضب بمهنـّده خلاهــــــــا حَنـّـه
ومنين مامال وياه الأجل ... زللزل الجيمان دب بيها الوجل
صارت لأمره مطيعه ... بالغصُب كَامت تطيعه
عبــاس عبــاس للحومه نـــزل

************

بقلم / سعد مطلوب الخفاجي

************

[ضيف]

الخفاجي سعد مطلوب
وفقكم الله وسدد خطاكم لخدمة محمد وال محمد
رزقنا الله واياكم شفاعة الحسين عليه السلام تقبل مروري سيدي
خادمكمابو ظاهر البركي

[سعد مطلوب]

الاخ الكريم
البركي
عزيز الغالي اسعدني ونورني مرورك المبارك
خالص شكري وامتناني لاطرائك الرائع تمنياتي لك بالموفقيه

[ابن الاهوار]

بارك الله فيك اخي سعد مطلوب اخفاجيعلى هذه القصيدة الرائعة بحق ابو الفضل العباس عليه السلام تحياتي لك

[سعد مطلوب]

الاخ الكريم
ابن الاهواز
عزيزي الغالي الله يبارك بيك على هذا المرور الرائع
خالص شكري وامتناني تمنياتي لكم بالموفقيه