يتيم يشكو الى امه

[العشق المحمدي]

أخي الكريم أحمد الحجي جد علينا ببوح مشاعرك المرهفة
فقد لامست كلماتك وجداني وأثارت أشجاني
أنت مبدع حقا وصفت وصورت وأوجزت لكنما أبدعت وأتقنت
ننتظر جديدك من الشعر

[احمد الحجي]

اشكرك على مرورك واطراءك وفقك الله لكل خير

[نصير المرياني]

صباح الخير يمه تلـگي ابنچ جاي
گومي من الگبر وبلهفه شميني
صباح الخير يمه وگومي افتحي الباب
طولت بغيابي ارجوچ اعذريني
مرت مده يمه ورسمي عنچ غاب
بس موبيدي والله وزين تدريني
انه وليدچ ييمه وماأخون رباچ
بس الغربه حالت بينچ وبيني
گوميلي ييمه وكسري السرداب
وبنفس الچفن وياچ غطيني
****
گوميلي ييمه بگلبي تسعر نار
محتاج لحنانچ فدوه ضميني
گوميلي ييمه عيوني اجت خطار
تشكيلچ عذابي وغربة سنيني
اسمعيني اسمعيني اسمعيني
اريد بگبرج اغفه ،، وياچ خليني
****
من يوم الدفنتچ يمه مامرتاح
شلت الهم ييمه منهد عشريني
وطلگت الفرح يايمه ثلث ايمان
وربطت الحزن شديته بيميني
لان ماأگدر انسه وداعتچ معذور
اسمچ هو دمي وكل شراييني
****
گوميلي ييمه وداعتچ تعبان
بس بشوفچ ابره وتبتسم عيني
بس انتي الوحيده القادره بهالكون
بتراب الچفن يحبيبه تشريني
اسمعيني ييمه وگومي اترجاچ
مامرجيه منچ هيچي تاذيني
گوميلي آنه جيتچ ماأريد اعذار
طشرني الوكت يايمه لميني
****
طبعچ وآنه اعرفچ ملگه للخطار
خطارچ عزيز وماتفشليني
انفضي تراب گبرج كسري السرداب
وبطيبت كلامچ يمه حاچيني
محتاج النصيحه وداعتچ محتار
شوريني ياأمي ارجوچ انصحيني
اعرفچ انتي دومچ ماطبگتي الباب
شنهو الغيرچ يحبيبه فهميني ؟
مو چنت آنه أأمر وحدي بهالكون
ولوخلص حليبچ ، دم ترضعيني
ولو مرني الكدر والآه والاحزان
بعيونچ ييمه انتي التشافيني
اسمعيني ياأمي ارجوچ اسمعيني
اريد اليوم اوفي شويه من ديني
****
معذوره ياامي وادري ملك الموت
مايعرف رحم لافرصه ينطيني
اخذ مني الحبيبه الحتى رب الكون
ضل طول العمر بيها يوصيني
اعذرچ والله يمه وماعليچ قصور
لوما باللحد چا والله شلتيني
احبچ وابقى احبچ لآخر الانفاس
چي من نور وجهچ كملت ديني
موفق احمد الحجي ربي اقضي حوائجه

[احمد الحجي]

اشكرك اخي نصير المرياني قصيدة تدمي القلب سلمت اناملك

[احمد الحجي]

طفل شارد لكيته اليوم بالباب
كتله شبيك ساكت ما تحاجيني
كلي اني يتيم ومرت ابويه تكول
اذا متجيب مصرف لا تجيني

وعندما جاء ولم يكن معه فلوس ضربته وشكى الى امه وقال

ﺗﻀﺮﺑﻨﻲ ﻳﺎﻳﻤﺔ ﻭﺗﺪﻋﻲ ﻭتكول
ﺭﺑﻚ ﻣﺎﺍﺧﺬﻙ ﻣﻦ ﺍﺧﺬ ﺍﻣــــــــــــﻚ

[احمد الحجي]

گوميلي ييمه بگلبي تسعر نار
محتاج لحنانچ فدوه ضميني
گوميلي ييمه عيوني اجت خطار
تشكيلچ عذابي وغربة سنيني
اسمعيني اسمعيني اسمعيني
اريد بگبرج اغفه ،، وياچ خليني

[سجاد القزويني]

لا تعليــــــــــــــــق

[احمد الحجي]

شكرا لمرورك الكريم

تارة تكون الاشارة ابلغ من التصريح

وفقك الله واسعد ايامك وجعلك باراً لوالديك

[من نسل عبيدك احسبني ياحسين]

عمواحمدالله يوفقك انت وجميع الشعراء لاتكتبون قصائدحزينة اقبل تراب اقدامكم لان قلبنا مليئ بالهموم واسفه ياطيببببببببببببببببببببببببببببببببببببب قرأت سطرواحد

[احمد الحجي]

اشكر مرورك الكريم وفقك الله