إجن يتمايلن **ولادة الكعبه

[آمال يوسف]

إجن يتمايلن بالمستحه امگبعات ...

نحيلات الخصـر والزيـج ماينزر


طلعـن دالعـات وخاليـات الـبـال ...
سُـمُـر ومعطـرات إبمسـچ وبعنـبر


حلـوات الشمـايل والعيون اوساع ...
چلـچـل ليلـهـن بالخـجل وادثّـر

إحديثات ومشيهن رَدِس فوگ الگاع ...

ومن تمشی الحديثـه اتگـوم تتبختر


إجن ?لهن سُمُر والسُمُر مملوحات ...
ومن ثگـل الحمول اصدورهن مرمر


وحدتهن تذَوب الگلب من اتفوت...
وتَخَـلّي الناسـك المعت?ف يتحسّر


ارموش اعيونهن يرمن بگلبی اسهام...
عفه گـلبي الرچيـچ شلـون يتصبّر

چنهن گـاصدات اعلـيّه ومسيرات ...
وبديهن جـايبات الچـای المخدّر


گلت هنيال حضي العـاثـر الميشوم ...
گـعـد من نومته عگب الشمس والحر

إجن واليوم منهن أجمـع المحصول ...
يـزداد الـربـح والـحـال يـتـيسّر

تلگتاهن اگلـيبي إمفـرفح وملهوف ...
شـايـط والحنين الشايـلـه اتفجّـر

متعارض ويصرخ صرخـة المجنون ...

ويعـاند إعـنـاد اليشـتـرون الشر

صاح اهلاً وسهـلاً بالجمـال الجاي ...
سبحـان الجليـل إشخلـق وشصوّر

فرشتلهن چبدتي وگلت ذني اچلای ...
عليها إرتاچـن ومـاگـول بعد أ?ثر

ساعه وصار المنادس عَـلَي بس?وت...
يـردنّي إعلـه ?يفي أنتخـب وتخـيّر

گلت شختار هوّه الطـول نفس الطول ...
حش سبّـاح گـلبي وگطّـعه بخنجـر

إجيتَـنّي ابو?ـت مابيه صفـنة ?يف...
ذوبَـل ?ل شبـابي وعوده صار أصفر


لونچـن جايّـات أويـه الشباب الراح...
من چـان الگلب بعده طري وأخضر

إجيتَن من عگب مافرهـداني الشيب ...
وعمري إعله المطاوي إنغزل وتنَشّر

گالـن مشتبه وعـيونـك إمسـربات ...
دفـك عينك دعـاين زيـن وتفـ?ّر

دخت وتعجّبت من عـايـنت ليهن...
وجهي انخطف لونه اوضعي اتغـيّـر

لنهن مو إنـس مو من بنـات الجـان...
قـوافي ونـازلات امن السمـه للبـر

سرب من الخـرز وبخيط ملظـومات ...
إطلَـعَـن لنهن قـوافي الشعر المنـثّر

گلت ف?يت عيني ودوه بإذني الصوت ...
گـالـن صوت جبـريل المَـلَك كـبَّر

وگـفت بت أسـد يَـم مُستجار البيت ...
والمـختـار سَـبَّـح والجـدار إنـطر

وطبت بت أسد يحميها رب ال?ـون ...
وأمـلاك السمـه امن البـاري تـتـش?ّر

فـتـح بـيـبان جنـته وغلگ باب النار...
وهـاي الليـلـه بال?ـعبه إنولد حـيدر


للشاعر ابو ياسرالكعبي

م\ن