تويت
السلام عليكم ورحمة الله وبركاته
بمناسبة اقتراب المولد المبارك للإمام الحسن المجتبى عليه السلام اكتب لكم هذه القصيدة والتي هي من نظمي أرجو من الله قبولها ولكم مني خالص الدعاء
ميَّة هله برمضان والنصف منـَّه بيه الحسن مولود سيَّد الجنـَّه
***
بميلاد ابو جسَّام ذاك ابومحمد شد الـﮔمر رايات والنجم عـيَّد
والشجر فاح عطور ولاسمه ورَّد وطير السعد للجود ﮔـام يتغنه
***
سن الكرم والجود وارث الهادي والعلم والاحسان بسمه ينادي
أكتب بماي العين وارسل انشادي ياشيعي هذا الماي ﮔول وتمنه
***
راعي الكرم هليوم للزهره سرهه وبمولده الاسلام بين نصرهه
ياربي بالمسموم اجمع امرهه وارفع براعي الجود كل خطر عنـَّه
***
رحمة وكرامه وجود من ابو (القاسم ) شع عله آل البيت بأعظم مراسم
ﭼـفْ النده الفوَّاح والثغر باسم راعي الفضيله وزود راعي المحنـّه
***
خاب اليعادي الحيد ذخر الزﭼـيه ونتبره من عدوان راعي الثنيّه
بيت الحسن من نور وانتشر ضيـَّه بس اليريد النار يبتعد عنـَّه
***
أجمل سلام لنور واحله التحايه للحسن عز الدين فجر الولايه
عينه البحر لوفاض وﭼفوفه آيه ياشيعي هذا اليوم عيد وتمنه
***
نهني النبي المختار ونهني حيدر والزهره عقد النور والنور الأزهر
ذاك ابوصالح ذاك وارث المنبر ياربي بيـِّض بيه مصحف عملنه
***
خادم اهل البيت ابومصطفى الزبيدي
خادم اهل البيت ابومصطفى الزبيدي
تعليق