سيف الغدر

[غسق التميمي]

"سيف الغدر"
ياعلي شلون ...المناية ..اتعنتك
وانت ..عناي المنايا...المايفـــــر
وشلون سيف الغدر يطبر هامتك
وانت سيفك يحصد بروس الكفر
وياعلي..يخسون لو وجه الوجه
جولك ...بوجه الخيانه ...والغدر
ياعلي المحراب ضل ينحب عليك
الصلا والصوم وكل ركعة فجر
ياعلي الايتام من بعدك تضيع
بيمن يلوذون. مدري الياكتر
جانو ايشوفون بيك اباً حنون
وجان جفك يا علي خيمه وستر
يا علي الايتام رادت بيك امان
والارامل حستك .. انته الخدر
يا علي وذاك دين الله ... القويم
جان مهيوب بوجودك.... يا وتر
شلون ابن ملجم كدر يوصل الك
وجانت الفرسان من عندك تفر
يا علي يسموك كتال .....العرب
شلون سيف الحاقد الهامك طبر
تبقى يا صنديد نبراس الاسلام
تاخذ الدنيا علي منك ......عبر
ويبقى محرابك على مر الزمان
قبلة الثوار من عصر.... العصر
وتبقى ياكرار انت اعلى السراط
تختم الاوراق للرايد.........يمر
وتبقى للفقره علي اكبر..... معين
وخبزة الجوعان معجونه ..بصبر
وخبزة الجوعان معجونه ..بصبر
غسق التميمي

[زهــراء]

بارك الله فيك وجعلها الله في ميزان حسناتك
دمت بخير

[غسق التميمي]

عظم الله اجوركم يامولاين
احسن الله لكِ اختي

[علي حسين الخباز]

قصيدة رائعة وفي هذا اليوم المقدس .. اخي غسق التميمي المحترم ان كانت هذه قصيدتك فانت شاعر رائع وان كانت القصيدة مقتبسة فهذا انتقاء شعري يعرفنا بوجود شاعرشعبي حسيني فيك اتمنى يا اخي التواصل لكوني ارى فيك شاعركبير

[غسق التميمي]

سيدي العزيز هذه وبفضل من الله وبركات ابو الحسن علي عليه السلام كلماتي من الالف الى الياء
فأنا من هواة الشعر الشعبي والشعر الحر انما شهادتك سيدي اعتز بها نورني مرورك يا كبير خادمكم غسق التميمي