قصيدة ام في ولدها

[السيده ساره]

هذي قصيده أم في ولدها تزوج وزوجته رفضت تسكن امه معها


فذهب بإمه لدار العجزه ومرت ثلاث سنين لم يزرها , فكتبت قصيدة وأعطتها لطبيب يعمل بالمستشفى وأستأمنته بأن لايسلم القصيده لابنها إلا بعد وفاتها فلما حضر ولدها ليستلم جثتها سلمه قصيدة أمه ، وفيها :


يامسندي قلبي على الدوم يطريك
ماغبت عن عيني وطيفك سمايا

هذي ثلاث سنين والعين تبكيــك
ماشفت زولك زايرآ يا ضنايا


تذكر حياتي يوم أشيلك وأداريك
والاعبك دايم وتمشي ورايا


ترقد على صوتي وحضني يدفيك
ماغيرك أحدآ ساكنن في حشايا

وليا مرضت أسهر بقربك واداريك
ماذوق طعم النوم صبح ومسايا


ياما عطيتك من حناني وابعطيك
تكــبر وتكــبر بالامل يا مـنايا


لكن خسارة بعتني ليش وشفيك
وأخلصت للزوجة وأنا لي شقايا


أنا أدري أنها قاسية ما تخليك
قالت عجوزك ما أبيها معايا


خليتني وسط المصحة وأنا أرجيك
هذا جزى المعروف وهذا جزايا


ياليتني خــدامةً بين أياديك
عشان أشوفك كل يوم برضايا

مشكور ياوليدي وتشكر مساعيك
وأدعي لكم دايم بدرب الهدايا


حمدان يا حمدان أمك توصيك
أخاف ماتلحق تشوف الوصايا


أوصيت دكتور المصحة بيعطيك
رسالتي وحروفها من بكايا


وإن مت لاتبخل علي بدعاويك
اطلب لي الغفران وهذا رجايا


وامطر تراب القبر بدموع عينيك
ما عاد ينفعك الندم والنعايا

[ابا تراب]

الاخت سارة قصيدة رائعة ومحزنة ولك الشكر

[فاطمه التميمي]

مشكورا يا اخت سارة ع الطرح المميز