شكتب من شعر يا سيدي ومولاي
وأنته إنطيت كل ما تملك أودمك
والله الشعر يا سيدي خجلان
والشاعر وكف بس يعتذر يمك
ياصوت العدالة وصرخة المظلوم
الله الميزك باللوح حط إسمك
لأن إنطيت كلشي وما خذيت وياك
وغيرك فرهدانه ويحلف باسمك
ولأن جدك نبي والوالد الكرار
ومن بضعة محمد فاطمة امك
الله الميزك وسجلك فوك اللوح
وخصك بالشهادة وهي التهمك
يا أعظم معلم درس الثوار
والتاريخ يفخر عده لو ضمك
يضل جرحك علامة وللمجد عنوان
وشامخ على الزمن ونتفاخر باسمك
تعليق