أنه العراقي

[سعد مطلوب]

(( أنه العراقي ))

(أنـــه العــــراقي وأفتخــــر) ... مذكور أسمي بكَل عصر
************
أنه العراقي إِبن حسيـــــن ... مــن كربله والنهـــريــن
معروفـــه عندي قبــــرين ... بيهن تطــوف بكَل فجــر
************
عندي قبر بـإِرض النجـف ... معروف للعــله إِنوصف
حيدر علي راعـي الشرف ... يالســـــــيفه جابنه النصر
************
قبــرين عنــدي بغــــــــداد ... للكاظــم إِبن الإِمجــــاد
ومحمــد إِبــــن الإِجـــــواد ... بيها البشر تطلب نـــذر
************
بســــامره هادينــا الفخـــر ... والعســكري بيها صبـر
يالبيهـــــا غــاب المنتظــر ... نبقى إِلفرجهــم ننتظـــر
************
عندي حضــاره من الإِزل ... بيها شهد خير العمــــل
أدم بأرضــي من نـــــــزل ... للباري ناجا يعتـــــــذر
************
من نـــوح بالمركب رســه ... بإِرض العراق وإِسســه
للعـــالم اصبـــــح مدرســه ... يبقه مناره بكَل عصــر
************
يابلــد مثلك يــــاوطــــــــن ... يتحمـل همـوم ومحــــن
صـــابر على طول الزمـن ... رغم المصائب تنتصــر
************
محروس باسم الله وعلـــي ... للنجـــــم دومــك معتـلي
كَلمن عبـث بأرضي وهلـي ... للبـــاري شيقـدم عـــــذر
************
ياموطنــي بكَل زمــــــــان ... تـاج وتظل عـــالاوطان
وبحُبــــك ابقى ولهــــــــان ... إِنــه العراقــي وأفتخــــر

************
بقلم / سعد مطلوب الخفاجي

[كرم الزهراء]

حقا
انت عراقي وشعرك راقي
رائع واكثر من رائع
اخي القدير
سعد مطلوب
مبدع لاتحرمنا من اشعارك الجميلة
يحفظك الرب

[سعد مطلوب]

الاخ الكريم
كرم الزهراء
عزيزي الغالي الابداع والرقي في كلماتك الجميله والقيمه
اسعدتني ونورتني اطلالتك النيره خالص شكري وامتناني
تمنياتي لك بالموفقيه ياغالي .

[من نسل عبيدك احسبني ياحسين]

يمته حزنه يزول وتزول الهموم*ويمته كمرنه يعودونزفله النجوم*ووووفقك ربي دنيا وأخره

[سعد مطلوب]

الأخت الكريمه
من نسل عبيدك احسبنيي يياحسين
بارك الله بيكم على هذا البيت الجميل وان شاء الله تنازل كل االهموم
وتضحكنه الدنيه فد يوم .. نورني مروركم الرائع تمنياتي لكم بالموقفيه