منو مثلك (علي)؟؟؟!!!؟

[غسق التميمي]

منو؟
منو مثلك يحيدر حكم هاي الناس؟
ومنو مثلك علي يستاهل انتبعه؟
منو قبلك مجاهد فزع لـــــــدين؟
ومنو مثلك زرع ويتاجر بزرعه؟
يا سڱف اليتيم اليحتمي بيك
وبمسحة حنان بجفك تشبــــــعه
ومن مثلك يحيدر قصعة الجوعــان؟
ومنو ينام اليالي بجوعه من طبعه؟
تلبس لقنبر مو جنت تيجان
وبثوبك ياعلي ستين الف رڱعه
منو مثلك حكم من صرت لليوم
بقانون العداله وطبق الشرعه
اعراض ضاعت بالفقر والعوز
يا علي احتار الفقير ومحد يسمعه
ولا مسؤل ينظر حالة التعبان
صارت ياعلي بس كلمن وربعه
شمعه جنت لدين يا مولاي
ومن جاك الاجل انطفت هالشمعه
اقسم يا علي ومسؤل عن هاي
لو ما انت علي ما صارت البضعه
لو ما انت علي ماصارت البضعه
"غسق التميمي"

[alihadi]

بايعت آنةعلي وحبةبدمي سرة
مجهول حب الوصي ماينعرف سرة
يوم الغدير الخلك للبيعةوكفو سرة
نفتخر بأسمك نظل ياحيدر الدرة

[سهاد]

أخي الفاضل غسق التميمي


عطر الامير
كلماتك و حروفك رائعه بحق مولاي امير المؤمنين
سلمت يداك وصح لسانك
تحياتي

[غسق التميمي]

جميع من تركَ بصمتهُ على مُدونتي حَشركُم الله معَ الامير (علي)

[علي حسين الخباز]

رائع انت يا شاعر البهي غسق التميمي تقبل مودتي ودعائي

[ابوسجادالمنصور]

اعراض ضاعت بالفقر والعوز
يا علي احتار الفقير ومحد يسمعه
ولا مسؤل ينظر حالة التعبان
صارت ياعلي بس كلمن وربعه

لاعاب لسانك سيدي غسق التميمي
ويحفظك ويحفظ امثالك
محفوظ باسم علي وبولاية علي بحق علي
تقبل دعائي وتحياتي

[غسق التميمي]

استاذنا الاديب الرائع الراقي (علي حسين الخباز) لمستك الابوية تركت في نفسي الكثير دُمت لنا كبيرا

[غسق التميمي]

استاذي ابو سجاد مروركم شرفني ودعائكم اسعدني

[فاطمه التميمي]

ابي غسق صح لسانك يا كبير

[غسق التميمي]

ابنتي الغالية فاطمه دمتي بخير