{يومالغدير}
بايعنــاك حيدر ولينه
يوم الغدير نــــادي من كل سمــاء وادي
نصبك بعده الهادي لضعن الهدايه حادي
واعرفناك وارث نبينه
*******************************
بيك المجد عنوانـه ياهيبته وجدانـــــــه
والفارس بميدانــه تشهد اله عدوانـــــه
وبمسراك احنه سرينه
*******************************
تشهد الك ياحيـدر بدر وحنين وخيبــر
سيفك باهل المنكر زلزل وهد ودمـــــر
ماننسـاك بضلك ربينه
******************************
انته الامل للشيعه شخصك وجوب انطيعه
حبك ابد منبيعـــه وجددنه الك هالبيعــــــه
حبينــاك ليك انتمينه
******************************
بيعتنه جددناهــه بالدمه وقعناهـــــــــــا
يالرايتك محلاهه رب السمه علاهــــــــا
ياليمناك شراع السفينه
تعليق