تويت
ما أمل يحسين وانسى مصيبتك
عايش بروحي وابد ما ملتك
.............................
اتملني كون الروح لو ملت هواك
يلهج لساني بمحبتة ولا نساك
شلون أمل وآنه أرجة فضلك وأبرجاك
ارتجي فضلك وأعاين شيمتك
..................................
ساكن بروحي وتوطنت الضمير
انت ناسي وكل هلي انت المصير
ابفضلك اسعى واستدل بيك استنير
هايم بشوكَك واسير محبتك
...............................
ازكى من كل طيب وابهى من الجنان
ذكرك اعظم كل فرض بر الأمان
ياشهيد بكل زمن وبكل مجان
افخر بفضلك واشيد بخدمتك
...............................
شما رمتني عداك لن شوكَك يزيد
انتفض كل حين واندب ياشهيد
لا وحكَ دمك فلا همني الوعيد
أحيي ذكراك وأغيض الضدتك
..............................
ابدونك اتمايز مصيري وما يكون
هالك وبائس تسيرني الظنون
بين اديك وطوع أمرك بل تهون
روحي والروح من اردهة لخدمتك
.................................
يالنذرت ادماك حكَ نبدي الوداد
منة ما ننساك وليوم المعاد
موثقه أيمان التودك بأعتقاد
وعن يقين اتملكتنة امودتك
.................................
الشاعر ابو حسن المياحي
تعليق