تويت
عظم الله أجوركم باستشهاد أبي الأحرار الإمام الحسين (عليه السلام )
تقرأ هذه القصيدة بعدة أطوار وأجملها بطور (ها عليهم يعمي هاعليهم ) للرادود المبدع أحمد الباوي ونسألكم الدعاء .
تقرأ هذه القصيدة بعدة أطوار وأجملها بطور (ها عليهم يعمي هاعليهم ) للرادود المبدع أحمد الباوي ونسألكم الدعاء .
هذا مسلم
هذا مسلم يكوفة هذا مسلم بعلي يقسم يكوفة بعلي يقسم
من أبو طالب فرع يصرع الما ينصرع
هذا مسلم يكوفة هذا مسلم
**********************
بيضة البلدان جده ذاك ابو طــالب بعد
كافل الهادي الرسول وبيضة الحـﮒ بالبلد
بالمجد زهرة قريش وابد مثله منــــوجد
والكفر والجاهليه لصوت صمصامه سجد
هذا ذرية عقـــيل
عن العزة مايميل
**********************
شلون بذرة مجد طاهر والوفه بيها ربــه
مومثل بعض الرجال ويَ الوكت متـﮔلبه
مايغــــــرنه الدراهم والكرامه مطلبه
مسلم وطالب حقوق ودرس يم ال العبا
شلون صف ومدرسه
للغيور تدرســــــــــه
**********************
طلع للكوفة المجاهد وبأمر سيد الشباب
لنصرة الإسلام طالع وينشر أحكام الكتاب
من بعد سيل الرسايل أقدم خـْضَر الجناب
والأسد لونوى يجاهد مايبالي بالذئاب
طلع مســلم بالأمر
الدين لازم ينتصر
ــــــــــــــــــــــــــــــــــــــــــــــــــ
دخل للميدان مسلم والفرح وجهه عتله
من يعلي السيف بيده يصيح ياعقد الوله
موتـﮔول السيف نازل ﭼنه هزة زلزله
هزت ﮔلوب الخيانه والظلم والجاهله
شلون ميْهـَزم الرجال
وهذا مسلم بالنزال
ــــــــــــــــــــــــــــــــــــــــــــــ
وﮔـامت الفرسان تشرد من تلامع صارمه
شافت الضربة المميته وبختم حامي الحمه
لهـَل الحرب ماعدها قدره وعالفرار معلمه
واحد يعلم الثاني بالهزيـــــــــــمه الغانمه
ها شعدكم من خبر
هذا فارس من مضر
ــــــــــــــــــــــــــــــــــــــــــــــــــ ـــــــــــــــ
كل علم طب لقتاله بطبر مسلم ينكــــــسر
بعد ما لف الكتايب مابقــــــه غير الغدر
وحفرت لمسلم حفيره معلمه بس عالمكر
من وﮔـع مسلم يويلي بين أحقـــــاد الكفر
والكفر من وكعته
لأسد غالب ﮔـادته
ــــــــــــــــــــــــــــــــــــــــــــــــــ ــ
من عله قصر الإمارة نـﮔطع راسه ونشــــمر
وسمه الكوفه ظلمت ويلي غاب من عدها الـﮔمر
لن أبو السجاد حس بهل المصـــــــيبة والخطر
وعرف من ﭼتلة عضيده بيـــــرغ الكوفه نكسر
والسبط قام العزاء
والوفه يوم الجزاء
ــــــــــــــــــــــــــــــــــــــــــــــــــ ـــــــــ
عله مصابـﭺ ياحميده لالبس هدوم الحزن
وﮔـعد بجمع اليتامه وعن مصايبكم لون
وذكر أيام السبايا شلون راحن عالهجن
لاكفاله ولاحمايه ولارعايه ولاأمن
ودارن بدار الغريب
وعتله منهن نحيب
ــــــــــــــــــــــــــــــــــــــــــــــــــ ـ
4محرم 1433هـ
تعليق