عظم الله أجوركم , قصيدتي بحق مولاتي أم البنين (عليها السلام ) يارب تقبلها مني .
قرأت هذه الليلة ليلة الاثنين ليلة الرابع من محرم 1434هـ
بصوت الرادود المبدع علي الناعي من كوت الولاية لمحمد واله حفظها الله وجميع مدن الولاء .
قرأت هذه الليلة ليلة الاثنين ليلة الرابع من محرم 1434هـ
بصوت الرادود المبدع علي الناعي من كوت الولاية لمحمد واله حفظها الله وجميع مدن الولاء .
وفاء أم البنين (عليها السلام )
حي ام البنين وحي مواقـــــفها
محتاره العباد شلون توصفها
محتاره العباد شلون توصفها
ـــــــــــــــــــــــــــــــــــــ
حي ام البنين توصــي بالويلاد
أنطوا ارواحكم فدوه لبو السجاد
أنطوا ارواحكم فدوه لبو السجاد
عِيدوا لعودكم حيدر علي الأمجاد
وأيام البطوله الناس تعـــــرفها
وأيام البطوله الناس تعـــــرفها
ـــــــــــــــــــــــــــــــــــــ
أوصيكم باختكم لاتعوفـــــــوها
وناﮔـة زينب انتو اللي تـﮔودوها
وناﮔـة زينب انتو اللي تـﮔودوها
يبت المصطفه المخــتار نادوها
وبسابع السمه المعبـــود شرفها
وبسابع السمه المعبـــود شرفها
ــــــــــــــــــــــــــــــــــــ
إجتي ويَ النشامه لدار بيت حيدر
وخلت إيد زيـــنب بيد المشـكـَّر
وخلت إيد زيـــنب بيد المشـكـَّر
جدها المصطفه ويانه ماقــــــصَّر
توصي ودمعة الآلام تذرفـــها
توصي ودمعة الآلام تذرفـــها
ــــــــــــــــــــــــــــــــــــــــ
ياعباس زينب خــــــــدر المرتب
شما تامر أختكم نفذوا المطلب
شما تامر أختكم نفذوا المطلب
بالك ﮔبل زينب ياوفي تشـــــرب
ولزينب ﭼفوف الماي اغـرفها
ولزينب ﭼفوف الماي اغـرفها
ــــــــــــــــــــــــــــــــــــــ
فديتي الأربعة وعباس وياهم
وكسبتي الآخره والدنيا برباهم
وكسبتي الآخره والدنيا برباهم
وعلَ روس الفواطم رفرف لواهم
والرايه الـﮔمر عالماي رفرفها
والرايه الـﮔمر عالماي رفرفها
ــــــــــــــــــــــــــــــــــــــ
وباﭼر بالجنان يطير بـﭼفوفه
هذا البطل أم حسين متعوفه
هذا البطل أم حسين متعوفه
تطالب ثار له والوادم تشوفه
ثمر صبره وجهاده اليوم قاطفها
ثمر صبره وجهاده اليوم قاطفها
ــــــــــــــــــــــــــــــــــــــــــــ
خليل علي الزبيدي
تعليق